തിരുവനന്തപുരം: നിപ്പാ വെെറസ് പടരുന്ന സാഹചര്യത്തിൽ തിരുവനന്തപുരം ചന്ദ്രശേഖരൻ നായർ സ്റ്റേഡിയത്തിൽ നടത്താനിരുന്ന അത്‌ലറ്റിക് മീറ്റുകൾ മാറ്റിവച്ചു.
ജൂൺ അഞ്ച്, ആറ് തീയതികളിൽ നടത്താനിരുന്ന 62-ാമത് ഡോ. ടോണി ഡാനിയൽ കേരള സ്റ്റേറ്റ് സീനിയർ അത്‌ലറ്റിക്സ് ചാന്പ്യൻഷിപ്പും ഒളിന്പ്യൻ സുരേഷ് ബാബു മെമ്മോറിയൽ കേരള സ്റ്റേറ്റ് യൂത്ത് അത്‌ലറ്റിക്സ് ചാന്പ്യൻഷിപ്പുമാണ് മാറ്റിവച്ചത്.
എല്ലാ ജില്ലയിൽ നിന്നും അത്‌ലറ്റുകൾ പങ്കെടുക്കാൻ എത്തുന്ന പശ്ചാത്തലത്തിലാണ് മീറ്റുകൾ മാറ്റാൻ തീരുമാനമായത്.
