ഭാ​ര്യ​യെ​യും മ​ക​നെ​യും ഭ​ർ​ത്താ​വ് വെ​ട്ടി​പ്പ​രി​ക്കേ​ൽ​പ്പി​ച്ചു; സ്ഥി​രം മ​ദ്യ​പാ​നി​യാ​യ നി​ഷാ​ദി​ന്‍റെ ശ​ല്യം​മൂ​ലം  ഇ​വ​ർ മാ​റി​താ​മ​സി​ച്ചു​വ​രു​ക​യാ​യി​രു​ന്നു

കാ​ട്ടാ​ക്ക​ട : കാ​ട്ടാ​ക്ക​ട​യി​ൽ ഭാ​ര്യ​യെ​യും മ​ക​നെ​യും ഭ​ർ​ത്താ​വ് ക്രൂ​ര​മാ​യി വെ​ട്ടി പ​രി​ക്കേ​ൽ​പ്പി​ച്ചു. ഇ​ന്നു രാ​വി​ലെ ആ​റോ​ടെ ആ​ണ് സം​ഭ​വം. കാ​ട്ടാ​ക്ക​ട ചാ​മ​വി​ള സി​എ​സ്‌​ഐ പ​ള്ളി​ക്കുസ​മീ​പം താ​മ​സി​ക്കു​ന്ന നി​ഷാ​ദ് (45)ആ​ണ് ഭാ​ര്യ സ്വ​പ്ന(40), മ​ക​ൻ അ​ഭി​ന​വ് (11) എ​ന്നി​വ​രെ കാ​ട്ടാ​ക്ക​ട കൈ​ത​ക്കോ​ണം റോ​ഡി​ൽ വ​ച്ച് വെ​ട്ടി​യ​ത്.

സം​ഭ​വ സ്ഥ​ല​ത്ത് ഒ​പ്പ​മു​ണ്ടാ​യി​രു​ന്ന ടി​പ്പ​ർ ഡ്രൈ​വ​ർ വാ​ഹ​നം നി​റു​ത്തി ഇ​യാ​ളെ വി​ര​ട്ടി ഓ​ടി​ച്ചു. ഓ​ടി​ക്കൂ​ടി​യ നാ​ട്ടു​കാ​രാ​ണ് ഇ​വ​രെ കാ​ട്ടാ​ക്ക​ട സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ച​ത്. പോ​ലീസ് മേ​ൽ ന​ട​പ​ടി​ക​ൾ സ്വീ​ക​രി​ച്ചു വ​രു​ന്നു. ഇ​വ​രു​ടെ ഒ​രു മ​ക​ൻ നേ​ര​ത്തെ ആ​ത്മ​ഹ​ത്യ ചെ​യ്തി​രു​ന്നു. സ്ഥി​രം മ​ദ്യ​പാ​നി ആ​ണ് ഓ​ട്ടോ ഡ്രൈ​വ​ർ ആ​യ നി​ഷാ​ദെ​ന്ന് പോ​ലീ​സ് പ​റ​യു​ന്നു.

ന​ക്രാം​ചി​റ​യി​ലെ പെ​ട്രോ​ൾ പ​മ്പ് ജീ​വ​ന​ക്കാ​രി ആ​ണ് സ്വ​പ്ന. സം​ഭ​വസ്ഥ​ല​ത്ത് നി​ന്നും 50 മീ​റ്റ​ർ മാ​റി ക​ത്തി ക​ണ്ടെ​ത്തി. മീ​ൻ വെ​ട്ടാ​ൻ ഉ​പ​യോ​ഗി​ക്കു​ന്ന ക​ത്തി പോ​ലെ​യാ​ണി​ത്. ഇ​രു​വ​രെ​യും പി​ന്നീ​ട് മെ​ഡി​ക്ക​ൽ കോ​ളജി​ലേ​ക്ക് മാ​റ്റി.

സ്ത്രീ​ക​ളെ ശ​ല്യം ചെ​യ്ത​ത് ഉ​ൾ​പ്പ​ടെ നി​ര​വ​ധി കേ​സു​ക​ൾ നി​ഷാ​ദി​നെ​തി​രേയു​ണ്ടെ​ന്ന് പോ​ലീ​സ്. ഇ​യാ​ളു​ടെ ഉ​പ​ദ്ര​വം സ​ഹി​ക്കാ​തെ സ്വ​പ്ന കൈ​ത​കോ​ണ​ത്തി​നു സ​മീ​പം വാ​ട​ക​യ്ക്കു മാ​റി താ​മ​സി​ക്കു​ക​യാ​യി​രു​ന്നു.

ന​ക്രം​ചി​റ​യി​ൽ പെ​ട്രോ​ൾ പ​മ്പി​ൽ സ്വ​പ്ന ജോ​ലി ചെ​യ്യു​ന്ന സ​മ​യ​വും ഇ​യാ​ൾ ഇ​വി​ടെ എ​ത്തി അ​സ​ഭ്യം പ​റ​യാ​റു​ണ്ടാ​യി​രു​ന്നു.​ക​ഴി​ഞ്ഞ ദി​വ​സ​വും ഇ​യാ​ൾ ഇ​ത്ത​ര​ത്തി​ൽ പെ​രു​മാ​റി​യ​താ​യും നാ​ട്ടു​കാ​ർ പോ​ലീ​സി​ൽ മൊ​ഴി ന​ൽ​കി. നി​ഷാ​ദി​നെ പി​ടി​കൂ​ടാ​ൻ ശ്ര​മം ന​ട​ക്കു​ക​യാ​ണ്.