കി​ട​പ്പാ​ട​ത്തി​നാ​യി നൗ​ഷാ​ദ് സൈ​ക്കി​ൾ ച​വിട്ടി​യ​ത് 280 കി​ലോ​മീ​റ്റ​ർ..!  15 വ​ർ​ഷ​ങ്ങ​ൾ​ക്കു ശേ​ഷം കു​ടും​ബ​ത്തി​ലേ​ക്കു  രണ്ടാമത്തെ മകൾ പുറന്നത് രോഗിയായി; ചികിത്‌സയ്ക്കായി പണം കണ്ടെത്തുന്നതിനെട വീടെന്നത് വെറും സ്വപ്നമായി

‘ആ​ല​പ്പു​ഴ: സ്വ​ന്ത​മാ​യൊ​രു വീ​ടെ​ന്ന സ്വ​പ്ന​ത്തി​നാ​യി 280 കി​ലോ​മീ​റ്റ​ർ സൈ​ക്കി​ളി​ൽ യാ​ത്ര ചെ​യ്തു മ​ത്സ്യ​ത്തൊ​ഴി​ലാ​ളി. തൃ​ശൂ​ർ അ​ഴി​ക്കോ​ട് സ്വ​ദേ​ശി കെ.​എ​ച്ച്. നൗ​ഷാ​ദാ​ണ് അ​ഴി​ക്കോ​ടു നി​ന്നും സെ​ക്ര​ട്ടേ​റി​യ​റ്റി​ൽ മു​ഖ്യ​മ​ന്ത്രി​യു​ടെ ഓ​ഫീ​സു​വ​രെ സൈ​ക്കി​ളി​ൽ യാ​ത്ര ചെ​യ്ത​ത്. മു​ഖ്യ​മ​ന്ത്രി​യെ ക​ണ്ട് വീ​ടി​നാ​യി നി​വേ​ദ​നം കൊ​ടു​ക്കു​ക​യാ​യി​രു​ന്നു യാ​ത്ര​യു​ടെ ല​ക്ഷ്യം. സ്വ​ന്ത​മാ​യി വീ​ടി​ല്ലാ​ത്ത നൗ​ഷാ​ദ് വ​ർ​ഷ​ങ്ങ​ളാ​യി വാ​ട​ക വീ​ട്ടി​ലാ​യി​രു​ന്നു താ​മ​സി​ച്ചി​രു​ന്ന​ത്.

ഭാ​ര്യ ന​ജു​മ​യും നൈ​ഭി​ദ(20), നൈ​റി​ൻ (അ​ഞ്ച്) എ​ന്നി​ങ്ങ​നെ ര​ണ്ടു മ​ക്ക​ളു​മ​ട​ങ്ങു​ന്ന​താ​ണ് നൗ​ഷാ​ദി​ൻ​റെ കു​ടും​ബം. മൂൂ​ത്ത​കു​ട്ടി​ക്കു ശേ​ഷം 15 വ​ർ​ഷ​ങ്ങ​ൾ​ക്കു ശേ​ഷം കു​ടും​ബ​ത്തി​ലേ​ക്കു വ​ന്ന സ​ന്തോ​ഷം അ​ധി​കം നാ​ൾ നീ​ണ്ടു നി​ന്നി​ല്ല. ര​ണ്ടാ​മ​ത്തെ കു​ട്ടി ജ​നി​ക്കു​ന്ന​ത് ഡൗ​ണ്‍ സി​ൻ​ഡ്രം രോ​ഗ​വു​മാ​യി​ട്ടാ​യി​രു​ന്നു. ഇ​ത് കു​ടും​ബ​ത്തി​ൻ​റെ പ്ര​തീ​ക്ഷ​ക​ളെ​ല്ലാം തെ​റ്റി​ച്ചു. കു​ട്ടി​യു​ടെ ചി​കി​ത്സ​യ്ക്കും മ​റ്റു​മാ​യി പ​ണ​ച്ചി​ല​വേ​റി​യ​പ്പോ​ൾ വീ​ടെ​ന്ന സ്വ​പ്നം മാ​ത്രം ബാ​ക്കി​യാ​യി. അ​റി​യ​പ്പെ​ടു​ന്നൊ​രു സൈ​ക്കി​ൽ അ​ഭ്യാ​സി​യും മെ​ക്കാ​നി​ക്കു​മാ​ണ് നൗ​ഷാ​ദ്.

ദി​ലീ​പ് നാ​യ​ക​നാ​യ സി​ഐ​ഡി മൂ​സ മു​ത​ൽ ചി​ല ചി​ത്ര​ങ്ങ​ളി​ൽ നൗ​ഷാ​ദ് ഉ​ൾ​പ്പെ​ടു​ന്ന സം​ഘം നി​ർ​മി​ച്ച സൈ​ക്കി​ളു​ക​ളാ​ണ് ഗാ​ന​ചി​ത്രീ​ക​ര​ണ​ത്തി​നു​ൾ​പ്പ​ടെ ചി​ല രം​ഗ​ങ്ങ​ളി​ൽ ഉ​പ​യോ​ഗി​ച്ചി​രി​ക്കു​ന്ന​ത്. നൗ​ഷാ​ദ് മു​ന്പും സൈ​ക്കി​ൾ യാ​ത്ര​ക​ൾ ന​ട​ത്തി​യി​രു​ന്നു. പ​ക്ഷെ അ​തെ​ല്ലാം മ​റ്റു​ള്ള​വ​ർ​ക്കു വേ​ണ്ടി​യി​ണ്ടാ​യി​രു​ന്നു. വി​ദേ​ശി​ക​ളെ ചൂ​ഷ​ണം ചെ​യ്യു​ന്ന​തി​നെ​തി​രേ പാ​റ​ശാ​ല മു​ത​ൽ തൃ​ശൂ​ർ തേ​ക്കി​ൻ​കാ​ട് മൈ​താ​നം വ​രെ​യും, ര​ക്ത​ദാ​ന​ത്തി​ന്‍റെ മാ​ഹാ​ത്മ്യ​ത്തെ​ക്കു​റി​ച്ചും എ​യ്ഡ്സ് രോ​ഗ​ബോ​ധ​വ​ത്ക​ര​ണ​വു​മാ​യും ക​ർ​ണാ​ട​ക, ത​മി​ഴ്നാ​ട് എ​ന്നി​വി​ട​ങ്ങ​ളി​ലും ഇ​ദേ​ഹം സൈ​ക്കി​ളി​ൽ യാ​ത്ര ചെ​യ്തി​രു​ന്നു.

സി​ഐ​ഡി മൂ​സ സി​നി​മ​യ്ക്കാ​യി നി​ർ​മി​ച്ച പ്ര​ത്യേ​ക​ത​രം സൈ​ക്കി​ളി​ൽ ക​ഴി​ഞ്ഞ ര​ണ്ടി​നാ​ണ് തൃ​ശു​ർ അ​ഴി​ക്കോ​ടി​ലെ വീ​ട്ടി​ൽ നി​ന്നും തി​രു​വ​ന​ന്ത​പു​ര​ത്ത് സെ​ക്ര​ട്ടേ​റി​യ​റ്റി​ലേ​ക്കു യാ​ത്ര തി​രി​ക്കു​ന്ന​ത്. അ​ഞ്ചി​നു സെ​ക്ര​ട്ട​റി​യേ​റ്റി​ലെ​ത്തി.
പ​ക്ഷെ മു​ഖ്യ​മ​ന്ത്രി അ​മേ​രി​ക്ക​യ്ക്കു ചി​കി​ത്സ​യ്ക്കു പോ​യി​രു​ന്ന​തി​നാ​ൽ കാ​ണു​വാ​ൻ സാ​ധി​ച്ചി​ല്ല.

തു​ട​ർ​ന്ന് ഒ​ന്പ​തു ദി​വ​സ​ത്തോ​ളം സെ​ക്ര​ട്ടേ​റി​യ​റ്റി​നു മു​ന്പി​ൽ സ​മ​രം ചെ​യ്തു. പി​ന്നീ​ട് മു​ഖ്യ​മ​ന്ത്രി​യു​ടെ പേ​ഴ്സ​ണ​ൽ സെ​ക്ര​ട്ട​റി എം.​വി. ജ​യ​രാ​ജ​നെ കാ​ണാ​ൻ സാ​ധി​ച്ചു. അ​ദ്ദേ​ഹം വീ​ടി​നാ​യു​ള്ള നി​വേ​ദ​നം തൃ​ശൂ​ർ ജി​ല്ലാ ക​ള​ക്ട​ർ​ക്കു കൈ​മാ​റി. വീ​ടി​നു വേ​ണ്ട ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ ക​ള​ക്ട​ർ​ക്കു നി​ർ​ദേ​ശ​വും ന​ല്കി.