മുൻ തമിഴ്നാട് മുഖ്യമന്ത്രി ജെ. ജയലളിതയുടെ ജീവിത കഥ പറയുന്ന സിനിമയിൽ ജയലളിതയുടെ വേഷം നിത്യ മേനോൻ ചെയ്യുന്നുവെന്ന് ഒരു ദേശീയ മാധ്യമം റിപ്പോർട്ട് ചെയ്യുന്നു.
വരലക്ഷ്മി ശരത്കുമാറാണ് ജയലളിതയുടെ വേഷം ചെയ്യുന്നതെന്ന് നേരത്തെ വാർത്തകളുണ്ടായിരുന്നു. പ്രിയദർശിനി ആണ് ചിത്രം സംവിധാനം ചെയ്യുന്നത്.
ചിത്രത്തിന് ദി അയണ്‍ ലേഡി എന്നാണ് പേരിട്ടിരിക്കുന്നത്. മറ്റു താരങ്ങൾ ആരൊക്കെയെന്ന് തീരുമാനമായി വരുന്നതേയുള്ളൂ. തമിഴ്, തെലുങ്ക്, കന്നട, മലയാളം, ഹിന്ദി ഭാഷകളിലായിട്ട് സിനിമ എത്തിക്കും.
ചിത്രത്തിന്‍റെ ഫസ്റ്റ് ലുക്ക് പോസ്റ്റർ തമിഴ് സംവിധായകൻ എ.ആർ മുരുഗദോസ് പ്രകാശനം ചെയ്തു.
