ഫഹദ് ഫാസിൽ നായകനാകുന്ന ഞാൻ പ്രകാശന്‍റെ ട്രെയ്‌‌ലർ പുറത്തുവിട്ടു. ഇതിനോടകം 15 ലക്ഷത്തിലേറെ പേരാണ് പ്രകാശനെ ഇതുവരെ യു ട്യൂബിൽ കണ്ണോടിച്ചത്. സത്യൻ അന്തിക്കാടാണ് ചിത്രം സംവിധാനം ചെയ്യുന്നത്.
കുടുംബ പ്രേക്ഷകരെ മുന്നിൽ കണ്ടൊരുക്കിയ ചിത്രമാണ് ഞാൻ പ്രകാശനെന്നാണ് ട്രെയ്‌‌ലർ നൽകുന്ന സൂചന. ഫഹദ് ഫാസിൽ സ്വാഭാവിക അഭിനയം കൊണ്ട് ട്രെയിലറിൽ നിറഞ്ഞു നിൽക്കുകയാണ്. ശ്രീനിവാസനാണ് ചിത്രത്തിനായി തിരക്കഥ രചിച്ചിരിക്കുന്നത്. നിഖില വിമലാണ് ചിത്രത്തിലെ നായിക. ഷാൻ റഹ്‌‌മാൻ സംഗീത സംവിധാനം നിർവഹിച്ചിരിക്കുന്നു.
