‘ന്നാ താൻ കേസ് കൊട്’ എന്ന് ചിത്രത്തിലൂടെ പ്രേക്ഷകരുടെ ഇഷ്ട കഥാപാത്രങ്ങളായി മാറിയ സുരേശന്‍റേയും സുമലതയുടെയും കഥ പറയുന്ന പുതിയ ചിത്രം ‘സുരേശന്‍റേയും സുമലതയുടെയും ഹൃദയഹാരിയായ പ്രണയകഥ’യുടെ ട്രെയ്‌ലർ പങ്കുവെച്ച് സംവിധായകൻ ലിജോ ജോസ് പെല്ലിശേരി.
മേയ് 16 ന് ചിത്രം റിലീസ് ചെയ്യും. സിൽവർ ബെ സ്റ്റുഡിയോസും സിൽവർ ബ്രൊമൈഡ് പിക്‌ചേഴ്‌സും ഒന്നിച്ചാണ് ചിത്രമൊരുക്കുന്നത്. ഇമ്മാനുവൻ ജോസഫ്, അജിത് തലപ്പിള്ളി എന്നിവർ ചേർന്നാണ് നിർമാണം. രതീഷ് ബാലകൃഷ്ണൻ പൊതുവാൾ, ജെയ് കെ, വിവേക് ഹർഷൻ തുടങ്ങിയവർ സഹ നിർമാതാക്കളാണ്. ബിൻ ഉരാളുകണ്ടിയാണ് ചിത്രത്തിൻറെ ഛായാഗ്രാഹകൻ.
ആകെ എട്ട് ഗാനങ്ങളാണ് ചിത്രത്തിലുള്ളത്.’ന്നാ താൻ കേസ് കൊട്’ ചിത്രത്തിലെ കൊഴുമ്മൽ രാജീവൻ ആയി ചാക്കോച്ചൻ അതിഥി വേഷത്തില്‍ എത്തുന്നുണ്ട്.
