ആർപ്പൂക്കര: നിയമം ചിലർക്കു മാത്രമാത്രം ബാധകമെന്നാന്ന് ചിലരുടെയെങ്കിലും ധാരണ! മനപൂർവമുള്ള നിയമ ലംഘനങ്ങൾ നമ്മുടെ കണ്‍മുൻപിൽ പലപ്പോഴും കാണാം.
വാഹനങ്ങൾ എവിടെയൊക്കെ പാർക് ചെയ്യാമെന്നും ചെയ്യരുതെന്നുമുള്ള നിയമങ്ങൾ സാധാരണ ജനങ്ങളുടെ സ്വൈര ജീവിതത്തിനും വാഹന ഗതാഗതത്തിനും തടസമാകാതിരിക്കാനുള്ളതാണ്.
എന്നാൽ കോട്ടയം മെഡിക്കൽ കോളേജിനു മുന്പിലുള്ള പ്രധാന പാതയിൽ വാഹനങ്ങൾ നിർത്തിയിട്ടിരിക്കുന്നതു കണ്ടാൽ നിയമലംഘനത്തിനു മാത്രമുള്ളതാണെന്നു തോന്നും.
ഇവിടെ വാഹനങ്ങൾ നിർത്തിയിടുന്നത് തന്നെ ’നോ പാർക്കിംഗ്’ എന്ന് ഗതാഗത വകുപ്പ് സ്ഥാപിച്ചിട്ടുള്ള ബോർഡിനു താഴെയാണ്.
ഏതു സമയത്തും വളരെ തിരക്കേറിയ റോഡാണിത്. മോർച്ചറി ഗെയിറ്റിനു മുന്പിലുള്ള റോഡിലാണ് ഇങ്ങനെ വാഹനങ്ങൾ അനധികൃതമായി പാർക് ചെയ്തു ഗതാഗത തടസം സൃഷ്ടിക്കുന്നത്.
നിരവധി അപകടങ്ങൾക്ക് ഇടമായ ഭാഗത്ത് വാഹനങ്ങൾ നിർത്തിയിടുന്നത് പൂർണമായും ഒഴിവാക്കണമെന്നും ഗതാഗത നിയമലംഘനം നടന്നുന്നവർക്കെതിരെ ശക്തമായ നടപടി സ്വീകരിക്കണമെന്നുമാണ് നാട്ടുകാർ ആവശ്യപ്പെടുന്നത്.
