തൃശൂര്‍: വീട്ടുമുറ്റത്തെത്തിയ വാഹനത്തിൽ നിന്ന് സിമന്‍റ്കട്ട ഇറക്കുന്നത് തടഞ്ഞ് സിഐടിയു ചുമട്ടുതൊഴിലാളികള്‍. അണിചേരിക്കടുത്ത് പാലിശേരിയില്‍ വിശ്വനാഥന്‍റെ വീട്ടിലായിരുന്നു സംഭവം. സിമന്‍റ്കട്ടകള്‍ അതിഥിത്തൊഴിലാളികള്‍ ഇറക്കുന്നത് സിഐടിയു തൊഴിലാളികള്‍ തടയുകയായിരുന്നു.
“സിമന്‍റ്കട്ടകള്‍ അതിഥിത്തൊഴിലാളികള്‍ ഇറക്കണ്ട, വീട്ടുകാര്‍ക്ക് വേണമെങ്കില്‍ ഇറക്കാം’ എന്നായിരുന്നു സിഐടിയു നിലപാട്. ഇതോടെ വിശ്വനാഥനും ഭാര്യ സംഗീതയും ചേര്‍ന്ന് 100 സിമന്‍റ്കട്ടകള്‍ ഇറക്കിവെച്ചു. കട്ടകള്‍ ഇറക്കി തീരുവോളം സിഐടിയു തൊഴിലാളികള്‍ മതിലിന് പുറത്തുണ്ടായിരുന്നു.
വീട്ടിലെഅറ്റകുറ്റപ്പണികള്‍ക്ക് വേണ്ടിയാണ് കട്ടകള്‍ എത്തിച്ചതെന്നും സിഐടിയു തൊഴിലാളികള്‍ ഭീഷണിപ്പെടുത്തിയെന്നും വിശ്വനാഥന്‍ പറഞ്ഞു. തിങ്കളാഴ്ച ജില്ലാ കളക്ടര്‍ക്ക് രേഖാമൂലം പരാതി നല്‍കുമെന്നും അദ്ദേഹം അറിയിച്ചു.
