വീട്ടിൽ നിന്നും പുറത്തേക്കു പോകുമ്പോൾ ആളുകൾ തങ്ങളുടെ പ്രിയപ്പെട്ട വളർത്തുമൃഗങ്ങളായ പൂച്ചയെയും നായയെയുമൊക്കെ കൂടെ കൂട്ടാറുണ്ട്. വളരെ സാധാരണമായ സംഭവമാണിത്.
എങ്കിലിതാ വീട്ടിൽ നിന്നും പുറത്തു പോകുന്ന ഒരു യുവതി തന്‍റെ വളർത്തുമൃഗമായ അൽപാക്ക(നേർത്ത രോമമുള്ള ഒരിനം ആട്)യെയും കൂടെ കൊണ്ടുപോകുന്നതിന്റെ ദൃശ്യങ്ങളാണ് ഇപ്പോൾ സോഷ്യൽമീഡിയയിൽ കത്തിപ്പടരുന്നത്. പെറുവിലാണ് സംഭവം.
വീട്ടിൽ നിന്നുമിറങ്ങിയ ഇവർ ടാക്സി കാർ വിളിച്ച് അതിനുള്ളിൽ കയറ്റിയാണ് അൽപാക്കയെ കൊണ്ടുപോയത്. ഇവർ കയറിയ വാഹനത്തിന്‍റെ സമീപമുണ്ടായിരുന്ന മറ്റൊരു വാഹനത്തിന്‍റെ ഡ്രൈവറാണ് ഈ ദൃശ്യങ്ങൾ പകർത്തിയത്.
പിന്നീട് അദ്ദേഹത്തിന്‍റെ മകൻ ഈ ദൃശ്യങ്ങൾ സാമൂഹ്യമാധ്യമങ്ങളിൽ പങ്കുവെയ്ക്കുകയായിരുന്നു. വൈറലായ ഈ വീഡിയോ ദൃശ്യങ്ങൾക്ക് പ്രതികരണവുമായി ആയിരങ്ങളാണ് രംഗത്തെത്തിയിരിക്കുന്നത്.
