അമ്മയുടെ കൈയ്യിൽ നിന്നും നെയിൽ കട്ടർ തട്ടിപ്പറിച്ചുകൊണ്ട് ഓടിയ ഒരു വയസുകാരൻ അത് വിഴുങ്ങി. ചൈനയിലെ ചാംഗ്ചുനിലാണ് സംഭവം. അമ്മ ഉപയോഗിച്ചുകൊണ്ടിരുന്നപ്പോഴാണ് കുട്ടി നെയിൽ കട്ടർ തട്ടിപ്പറിച്ചുകൊണ്ട് ഓടിയത്. അമ്മ അത് തിരികെ വാങ്ങുവാനായി പിന്നാലെ വന്നപ്പോൾ വീടിനു ചുറ്റും ഓടിയ കുട്ടി ഉടൻ തന്നെ നെയിൽ കട്ടർ വിഴുങ്ങുകയായിരുന്നു.
ഉടൻ തന്നെ കുട്ടിയെ അമ്മ ആശുപത്രിയിൽ പ്രവേശിപ്പിച്ചു. തുടർന്നു നടത്തിയ പരിശോധനയ്ക്കു ശേഷം 2.4 ഇഞ്ച് നീളമുള്ള നെയിൽ കട്ടർ എൻഡോസ്കോപ്പിന്റെ സഹായത്തോടെ കുട്ടിയുടെ വയറ്റിൽ നിന്നും പുറത്തെടുക്കുകയായിരുന്നു. ഈ കുട്ടിക്ക് മറ്റ് ആരോഗ്യ പ്രശ്നങ്ങളൊന്നുമില്ല.
