കൊയിലാണ്ടി : ലോകമെമ്പാടും കോവിഡ് മഹാമാരി വ്യാപകമായി പടർന്നുപിടിക്കുന്ന സാഹചര്യം കണക്കിലെടുത്ത് വിദ്യാർഥികളുടെ സുരക്ഷയും ആരോഗ്യം ഉറപ്പുവരുത്തി കൊണ്ട് എൻഎസ്എസ് സപ്തദിന ക്യാമ്പ് .
കൊയിലാണ്ടി എസ്എ ആർബിടിഎം ഗവ. കോളജ് എൻഎസ് എസ് യൂണിറ്റിന്‍റെ ക്യാമ്പ് വെർച്വൽ പ്ലാറ്റ്ഫോമിൽ ആരംഭിച്ചു. ക്യാമ്പ് കോളജ് പ്രിൻസിപ്പൽ അൻവർ സാദത്ത് എംപി ഉദ്ഘാടനം ചെയ്തു. പ്രോഗ്രാം ഓഫീസർമാരായ സുധീഷ് ബാബു, കെ.സി.
ലിബി എന്നിവരുടെ നേതൃത്വത്തിൽ ശ്രമദാന നിർവഹണം, ഫീൽഡ് സർവേ തുടങ്ങിയ പ്രവർത്തനങ്ങൾ നടന്നു.
ശ്രമദാന പദ്ധതിയുടെ ഭാഗമായി വോളണ്ടിയർമാർ അടുക്കളത്തോട്ടം നിർമാണം, പരിസര ശുചീകരണം, പൊതുറോഡ് ശുചീകരണം മാസ്ക് നിർമാണം, വൃക്ഷത്തൈ നടൽ തുടങ്ങി ഒട്ടനവധി പ്രവർത്തനങ്ങളിൽ ഏർപ്പെട്ടു.
പ്രതിസന്ധികളെ അവസരമാക്കികൊണ്ട് മുന്നേറുന്ന വെർച്വൽ ക്യാമ്പ് എൻഎസ്എസിന്‍റെ ചരിത്രത്തിലെ പുതിയൊരു നാഴികകല്ലായി മാറിയിരിക്കുകയാണ്.
