കോതമംഗലം: കോളജ് വിദ്യാർഥിനികളുടെ നഗ്നചിത്രം മൊബൈൽ ഫോണിൽ പകർത്തിയ കേസിൽ വിദ്യാർഥിനിയും കാമുകനും പിടിയിൽ. എംഎസ്‌ഡബ്ല്യു വിദ്യാർഥിനിയെയും ഒരുമിച്ചു പഠിക്കുന്ന കാമുകൻ അതിരപ്പിള്ളി വെറ്റിലപ്പാറ സ്വദേശി അരുണ്‍ പീറ്ററിനെയു (25) മാണ് അറസ്റ്റു ചെയ്തത്.
കൂടെ താമസിക്കുന്ന കൂട്ടുകാരികളുടെ നഗ്നചിത്രങ്ങളും വീഡിയോയും ഹോസ്റ്റലിൽ വച്ചും പൂനയിൽ ഇന്‍റേണ്‍ഷിപ്പിന് താമസിച്ച കാലയളവിലുമാണ് പകർത്തിയത്. ചിത്രങ്ങൾ വാട്ട്സാപ്പ് വഴി കാമുകന് അയച്ചുകൊടുത്ത പരാതിയിലാണ് പോലീസ് കേസെടുത്തത്.
കോതമംഗലത്തെ സ്വകാര്യ ഹോസ്റ്റിൽ താമസിക്കുന്ന നാല് കോളജ് വിദ്യാർഥിനികളുടെ ചിത്രമാണ് അരുണിന്‍റെ കാമുകി പകർത്തിയത്. കൂട്ടുകാരിയുടെ മൊബൈലിൽ യാദൃശ്ചികമായി നഗ്നചിത്രം കണ്ട കോതമംഗലം സ്വദേശിനിയായ പെണ്‍കുട്ടിയാണ് പോലീസിൽ പരാതിപ്പെട്ടത്. പ്രതികൾ കുറ്റകൃത്യത്തിന് ഉപയോഗിച്ച മൊബൈൽ ഫോണുകളും ദൃശ്യവും പോലീസ് കസ്റ്റഡിയിലെടുത്തു.
