ലോകം മുഴുവൻ ആരാധകരുള്ള ഒരു കായിക ഇനമാണ് ഫുട്ബോൾ. സ്ത്രീപുരുഷ ഭേദമന്യേ എല്ലാവരും ഇതു കളിക്കാറുമുണ്ട്. ഒരു കന്യാസ്ത്രീയും പോലീസ് ഉദ്യോഗസ്ഥനും ഫുട്ബോൾ തട്ടുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
അയർലൻഡിലെ ലിമെറിക്കിലാണ് ഈ രസകരമായ ദൃശ്യങ്ങൾ ചിത്രീകരിച്ചിരിക്കുന്നത്. 27 സെക്കൻഡ് ദൈർഘ്യമുള്ള ഈ വീഡിയോ അയർലൻഡ് പോലീസ് സേനയുടെ ഒൗദ്യോഗിക ഫേസ്ബുക്ക് പേജിലും ഷെയർ ചെയ്തിട്ടുണ്ട്. ഇതുവരെ ലക്ഷക്കണക്കിനു പേർ വീഡിയോ കണ്ടുകഴിഞ്ഞു.
