കോട്ടയം മെഡിക്കൽ കോളജിൽ ഡോക്ടർ നഴ്സിനെ അപമാനിച്ച സംഭവത്തിൽ അന്വേഷണം ഇഴയുന്നു;   ആ​രോ​പ​ണ വി​ധേ​യ​നാ​യ ഡോ​ക്ട​റു​ടെ മൊ​ഴി എടുക്കാതെ അധികൃതർ

ഗാ​ന്ധി​ന​ഗ​ർ: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ പ​രി​ശീ​ല​ന ന​ഴ്സി​നെ ഡോ​ക്ട​ർ അ​പ​മാ​നി​ച്ചെ​ന്ന പ​രാ​തി​യെ​ക്കു​റി​ച്ചു​ള്ള അ​ന്വേ​ഷ​ണം പൂ​ർ​ത്തി​യാ​യി​ല്ല. ആ​രോ​പ​ണ വി​ധേ​യ​നാ​യ ഡോ​ക്ട​റു​ടെ മൊ​ഴി പോ​ലും ഇ​തു​വ​രെ രേ​ഖ​പ്പെ​ടു​ത്താ​നാ​യി​ല്ല.

ക​ഴി​ഞ്ഞ 11 ന് ​സ​ർ​ജറി തീ​​വ്ര പ​രി​ച​ര​ണ വി​ഭാ​ഗ​ത്തി​ലാ​യി​രു​ന്നു സം​ഭ​വം. സം​ഭ​വ​ത്തെത്തുടർ​ന്ന് മു​ഴു​വ​ൻ സ​ർ​വീ​സ് സം​ഘ​ട​ന​ക​ളും ന​ഴ്സിം​ഗ് സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ജോ​ലി ബ​ഹി​ഷ്ക​രി​ച്ച് പ്ര​തി​ഷേ​ധി​ച്ചി​രു​ന്നു.ഇ​തേത്തുട​ർ​ന്ന് ആ​രോ​ഗ്യ വി​ദ്യാ​ഭ്യാ​സ​വ​കു​പ്പ് അ​ധി​കൃ​ത​ർ ഇ​ട​പെ​ടു​ക​യും ഡോ​ക്ട​റെ സ്ഥ​ലം മാ​റ്റു​ക​യും ചെ​യ്തു.

മൂ​ന്നു ദി​വ​സ​ത്തി​നു​ള്ളി​ൽ അ​ന്വേ​ഷ​ണ റി​പ്പോ​ർ​ട്ട് ന​ൽ​ക​ണ​മെ​ന്നാ​യി​രു​ന്നു സ​ർ​ക്കാ​രും കോ​ള​ജ് അ​ധി​കൃ​ത​രും അ​റി​യി​ച്ചി​രി​ന്നു​ത്. ഇ​തി​നാ​യി ക​മ്മ്യൂ​ണി​റ്റി മെ​ഡി​സി​ൻ മേ​ധാ​വി ഡോ.​ശോ​ഭ​ന​യു​ടെ നേ​തൃ​ത്വ​ത്തി​ൽ മൂ​ന്നം​ഗ സ​മി​തി​യെ ചു​മ​ത​ല​പ്പെ​ടു​ത്തി​യി​രുന്നു. എ​ന്നാ​ൽ ര​ണ്ടാ​ഴ്ച പി​ന്നി​ട്ടി​ട്ടും ഡോ​ക്ട​റു​ടെ മൊ​ഴി രേ​ഖ​പ്പെ​ടു​ത്ത​യി​ല്ല.

അ​ന്വേ​ഷ​ണ സം​ഘ​ത്തി​ന് മു​ൻ​പി​ൽ ഹാ​ജ​രാ​കു​ന്ന​തി​നു​ള്ള നോ​ട്ടീ​സ് പോ​ലും ഇ​തു​വ​രെ ഡോ​ക്ട​ർ​ക്ക് ന​ൽ​കി​യി​ട്ടി​ല്ലെ​ന്നാ​ണ് അ​ധി​കൃ​ത​രില്‌ നി​ന്ന് അ​റി​യാ​ൻ ക​ഴി​ഞ്ഞ​ത്. ഇ​തി​നി​ടെ ന​ഴ്സി​ന്‍റെ മൊ​ഴി രേ​ഖ​പ്പെ​ടു​ത്തു​ക​യും ചെ​യ്തു.ക​ഴി​ഞ്ഞ 11 ന് ​സ​ർ​ജ​റി ഐ​സി​യു​വി​ൽ വ​ച്ച് വ​യ​റി​ന് ശ​സ്ത്ര​ക്രിയ ക​ഴി​ഞ്ഞ ഒ​രു രോ​ഗി​യു​ടെ കാ​ലി​ൽ ഗ്ളൂ​ക്കോ മീ​റ്റ​ർ അ​ട​ങ്ങി​യ ട്രേ ​ന​ഴ്സ് വ​ച്ച​തി​ന്‍റെ പേ​രി​ൽ വ​കു​പ്പ് മേ​ധാ​വി ഡോ.​ജോ​ണ്‍ എ​സ് കു​ര്യ​ൻ രോ​ഗി​യി​ല്ലാ​തി​രു​ന്ന ഒ​രു ക​ട്ടി​ലി​ൽ ന​ഴ്സി​നെ കി​ട​ത്തി​യ​ശേ​ഷം കാ​ലി​ൽ ഇ​തേ ​ട്രേ വ​ച്ച് ശി​ക്ഷ ന​ൽ​കി.

ഇ​തി​ൽ പ്ര​തി​ഷേ​ധി​ച്ച് സം​ഘ​ട​ന​ക​ൾ സ​മ​രം ചെ​യ്തി​രു​ന്ന​തി​ന്‍റെ പേ​രി​ൽ അ​ന്നു ത​ന്നെ ഡോ​ക്ട​റെ സ്ഥ​ലം മാ​റ്റി ഉ​ത്ത​ര​വ് ഇ​റ​ക്കു​ക​യാ​യി​രു​ന്നു.