ഇനി നാറ്റിക്കില്ല..! കോ​ട്ട​യം – കു​മ​ര​കം റോ​ഡി​ൽ പൊ​ളി​ഞ്ഞു കി​ട​ക്കു​ന്ന ഓ​ട ന​ന്നാ​ക്കാൻ ന​ട​പ​ടി​യാ​യി

കോ​ട്ട​യം: ബ​സ് കാ​ത്തി​രി​പ്പു കേ​ന്ദ്ര​ത്തി​നു സ​മീ​പ​ത്താ​യി പൊ​ട്ടി​പ്പൊ​ളി​ഞ്ഞു കി​ട​ക്കു​ന്ന ഓ​ട ന​ന്നാ​ക്കു​ന്ന​തി​നു​ള്ള ന​ട​പ​ടി​യാ​യി. കോ​ട്ട​യം – കു​മ​ര​കം റോ​ഡി​ൽ ബേ​ക്ക​ർ ജം​ഗ്ഷ​നും ദീ​പി​ക​യ്ക്കു​മി​ട​യി​ൽ അ​പ​ക​ട​ക​ര​മാ​യ രീ​തി​യി​ൽ പൊ​ട്ടി​പ്പൊ​ളി​ഞ്ഞ് കി​ട​ക്കു​ന്ന ഓ​ട​യാ​ണ് ന​ന്നാ​ക്കു​ന്ന​ത്. താ​ലൂ​ക്ക് വി​ക​സ​ന സ​മ​ിതി​യോ​ഗ​ത്തി​ലാ​ണ് പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​ർ ഇ​ക്കാ​ര്യ​മ​റി​യി​ച്ച​ത്.

ബേ​ക്ക​ർ ജം​ഗ്ഷ​ൻ മു​ത​ൽ ആ​രം​ഭി​ക്കു​ന്ന ഓ​ട​ന​വീ​ക​ര​ണ​ത്തി​ന്‍റെ ഭാ​ഗ​മാ​യി ഈ ​ഭാ​ഗ​വും ന​ന്നാ​ക്കു​മെ​ന്നും ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യെ​ന്നും ഉ​ദ്യോ​ഗ​സ്ഥ​ർ അ​റി​യി​ച്ചു. അ​പ​ക​ട​ക​ര​മാ​യ രീ​തി​യി​ൽ ഓ​ട പൊ​ട്ടി​പ്പൊ​ളി​ഞ്ഞു കി​ട​ക്കാ​ൻ തു​ട​ങ്ങി​യി​ട്ട് മാ​സ​ങ്ങ​ളാ​യെ​ന്നും അ​ധി​കൃ​ത​ർ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്നും കാ​ണി​ച്ച് കേ​ര​ള കോ​ണ്‍​ഗ്ര​സ് ബി ​ജി​ല്ലാ സെ​ക്ര​ട്ട​റി​യും വി​ക​സ​ന സ​മി​തി​യം​ഗ​വു​മാ​യ സാ​ൽ​വി​ൻ കൊ​ടി​യ​ന്ത​റ​യാ​ണ് വി​ഷ​യം വി​ക​സ​ന സ​മി​തി​ക്കു മു​ന്പാ​കെ അ​വ​ത​രി​പ്പി​ച്ച​ത്.

ദി​വ​സ​വും നൂ​റു​ക​ണ​ക്കി​നാ​ളു​ക​ളും വാ​ഹ​ന​ങ്ങ​ളും ക​ട​ന്നു പോ​കു​ന്ന വ​ഴി​യി​ൽ പൊ​ട്ടിപ്പൊ​ളി​ഞ്ഞു കി​ട​ക്കു​ന്ന ഓ​ട വ​ലി​യ അ​പ​ക​ട സാ​ധ്യ​ത​യാ​ണ് സൃ​ഷ്്ടി​ക്കു​ന്ന​ത്. കു​മ​ര​കം ഭാ​ഗ​ത്തേ​ക്ക് പോ​കേ​ണ്ട യാ​ത്ര​ക്കാ​ർ ബ​സ് കാ​ത്തു നി​ൽ​ക്കു​ന്ന​തും ഓ​ട​യ്ക്കു സ​മീ​പ​ത്തു​ള്ള വെ​യ്റ്റിം​ഗ് ഷെ​ഡി​ലാ​ണ്. ഓ​ട​യി​ൽ നി​ന്നു​മു​ള്ള രൂ​ക്ഷ​മാ​യ ദു​ർ​ഗ​ന്ധം മൂ​ലം പ്ര​ദേ​ശ​ത്ത് നി​ൽ​ക്കാ​ൻ പോ​ലും സാ​ധി​ക്കു​ന്നി​ല്ല.