കുടുംബത്തോടൊപ്പം ബാറിലെ ഡാൻസ് ഫ്ലോറിൽ എത്തിയ ഒരു പ്രായമായ സ്ത്രീയുടെ വീഡിയോ സോഷ്യൽ മീഡിയയിൽ വൈറലാവുകയാണ്. ആളുകളുടെ ശ്രദ്ധയും ആഹ്ലാദവും ആകർഷിച്ചുകൊണ്ട് അവർ ഒരു ബിയർ കുപ്പി തലയിൽ വയ്ച്ചാണ് ഡാൻസ് കളിക്കുന്നത്.
കൂടാതെ, നൃത്തം ചെയ്യുന്നതിനൊപ്പം വിസിലടിക്കുകയും ചെയ്യുന്നുണ്ട് ഇവർ. സംഭവത്തിന്‍റെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
അമിതാഭ് ബച്ചൻ നായകനായ ലാവാരിസ് എന്ന ചിത്രത്തിലെ ‘മേരെ ആംഗ്നെ മേ’ എന്ന ഗാനത്തിന് സന്തോഷത്തോടെ നൃത്തം ചെയ്യുന്ന വൃദ്ധയെ വീഡിയോയിൽ കാണാം. ഈ സമയത്ത് അവിടെയുള്ള കുട്ടികളും യുവാക്കളുമടക്കമുള്ളവർ വൃദ്ധയുടെ ഡാൻസ് ആസ്വദിക്കുന്നുണ്ട്.
നീല നിറത്തിലുള്ള ഒരു സാധാരണ മറാത്തി സാരിയാണ് അവർ ധരിച്ചിരിക്കുന്നത്. ഡിജിറ്റൽ കണ്ടന്‍റ് ക്രിയേറ്ററായ സിദ്ധേഷ് ബോബാഡിയാണ് ഡാൻസ് റീൽ ഇൻസ്റ്റഗ്രാമിൽ പങ്കുവെച്ചത്. ഇത് ഉടൻ തന്നെ മറ്റ് സോഷ്യൽ മീഡിയ പ്ലാറ്റ്‌ഫോമുകളിൽ പ്രചരിച്ചു.
ഇൻസ്റ്റാഗ്രാമിൽ വൈറലായ വീഡിയോ അപ്‌ലോഡ് ചെയ്ത് മൂന്ന് ദിവസത്തിനുള്ളിൽ 5.4 ദശലക്ഷം വ്യൂസ് നേടി. ആയിരക്കണക്കിന് ആളുകൾ വീഡിയോ ലൈക്ക് ചെയ്യുകയും സാരി ധരിച്ച് നൃത്തം ചെയ്ത വൃദ്ധയുടെ ഊർജം കണ്ട് അത്ഭുതപ്പെടുകയും ചെയ്തു. നിരവധി ആളുകളാണ് വീഡിയോയ്ക്ക് കമന്‍റുമായെത്തിത്.
