കോഴിക്കോട്: കടലുണ്ടി ചാലിയം ജംഗ്ഷന്‍ ഫാറൂഖ് പള്ളി പ്രദേശത്ത് പ്രായപൂര്‍ത്തിയാകാത്ത പെണ്‍കുട്ടിയുടെ വിവാഹം ചൈല്‍ഡ് ലൈന്‍ ഉദ്യോഗസ്ഥര് തടഞ്ഞു.
പ്ലസ് വണ്‍ വിദ്യാര്‍ഥിനിയുടെ വിവാഹക്കാര്യം അറിഞ്ഞതിനെത്തുടര്‍ന്ന് ഉദ്യോഗസ്ഥര് ഇടപെടുകയായിരുന്നു.
കോടതി മുഖേന വിവാഹം തടഞ്ഞുകൊണ്ടുള്ള ഓര്‍ഡര്‍ നേടുകയും ഇന്ന് നടക്കാനിരുന്ന ചടങ്ങ് തടയുകയും ചെയ്തു. കൗൺസിലിംഗിനായി കുട്ടിയെ ചൈല്‍ഡ് ലൈന്‍ കേന്ദ്രത്തിലേക്ക് മാറ്റി.
ജില്ലാ കളക്ടര്‍, സബ് കളക്ടര്‍, ചൈല്‍ഡ് വെല്‍ഫെയര്‍ കമ്മിറ്റി, വനിത ശിശു വികസന വകുപ്പ്, ചൈല്‍ഡ് മാരേജ് പ്രൊഹിബിഷന് ഓഫീസര്‍, ഡിസ്ട്രിക്ട് ചൈല്‍ഡ് പ്രൊട്ടക്ഷന് ഓഫീസര്‍, ബേപ്പൂര്‍ പോലീസ്, ജുവനൈല്‍ പോലീസ് തുടങ്ങിയവരുടെ നേതൃത്വത്തിലാണ് നടപടി സ്വീകരിച്ചത്.
