ഓംലെറ്റ് ഇഷ്ടമല്ലാത്തവർ ആരുമില്ല. ഓംലെറ്റിൽ പല പരീക്ഷണങ്ങളും നമ്മൾ നടത്താറുണ്ട്. അത്തരത്തിലൊരു പരീക്ഷണത്തിന്‍റെ വീഡിയോ സമൂഹ മാധ്യമങ്ങളിൽ വെെറലാവുകയാണ്.
തട്ടുകടയിൽ ഒരു പാചകക്കാരൻ ഓംലെറ്റ് കഴിക്കാൻ വെല്ലുവിളിക്കുന്നതാണ് വീഡിയോ. ഇയാൾ ഉണ്ടാക്കുന്ന ഓംലെറ്റ് കഴിച്ചാൽ ഒരു ലക്ഷം രൂപം വാഗ്ദാനം ചെയ്യുകയാണ് കടക്കാരൻ.
ഇതൊക്കെ എന്ത്.. നിസാരം എന്നു തോന്നുമെങ്കിലും ഓംലെറ്റ് കണ്ട് കണ്ണ് തള്ളി ബുൾസെെ പോലെ പുറത്തേക്ക് വരും.
ഒരു വലിയ പായ്ക്കറ്റ് വെണ്ണയിൽ 31 മുട്ടയും ചിക്കൻ കഷ്ണങ്ങളും വലിയ ക്യൂബ് ചീസും സവോളയും മസാലകളും ചേർത്താണ് ഇയാൾ ഓംലെറ്റ് ഉണ്ടാക്കുന്നത്.
ഈ ഓംലെറ്റ് കഴിക്കാനാണ് ആളുകളെ വെല്ലു വിളിച്ചത്. ഹൃദയാഘാതമുണ്ടാക്കുന്ന ഓംലെറ്റ് എന്നാണ് സോഷ്യൽ മീഡിയ ഇതിനെ വിളിക്കുന്നത്.
ഈ വീഡിയോ ഒരു ഫിറ്റ്നെസ് ട്രയിനർ പോസ്റ്റ് ചെയ്തതോടെ സോഷ്യൽ മീഡിയയിൽ ഓംലെറ്റ് ചർച്ച സജീവമായി.
450 ഗ്രാം വെണ്ണ, 31 മുഴുവൻ മുട്ടകൾ, 50 ഗ്രാം ചീസ്, 100 ഗ്രാം സീഖ് കബാബ്, 200 ഗ്രാം പനീർ.
മൊത്തത്തിൽ ഏകദേശം 3,575 മില്ലിഗ്രാം കൊളസ്ട്രോൾ.
സഹോദരാ നിങ്ങളുടെ ഒരു ലക്ഷം രൂപ എനിക്ക് വേണ്ട എന്ന കുറിപ്പോടെയാണ് ഫിറ്റ്നെസ് ട്രയിനർ വീഡിയോ പങ്കുവെച്ചത്.
ഇത്രയും അളവിൽ സാധനങ്ങൾ ചേർത്തുണ്ടാക്കുന്ന ഈ വിഭവം അര മണിക്കൂറിനുള്ളിൽ കഴിച്ചു തീർത്താലാണ് കടക്കാരൻ ഒരുലക്ഷം രൂപ നൽകാം എന്ന് പറഞ്ഞത്. വീഡിയോ കാണാൻ ഇവിടെ ക്ലിക് ചെയ്യുക.
