തി​യ​റ്റ​റു​ക​ളി​ൽ ഓ​ണം സി​നി​മ​ക​ൾ ചാ​ർ​ട്ട് ചെ​യ്തു; സൂ​പ്പ​ർ​താ​ര ചി​ത്ര​ങ്ങ​ൾ ഇ​ത്ത​വ​ണ​യി​ല്ല; ഓ​ണം തൂ​ത്തു​വാ​രാ​ൻ വി​ജ​യ് ചി​ത്രം ‘ഗോ​ട്ട്’​എ​ത്തും

തൃ​ശൂ​ർ: ഹേ​മ ക​മ്മി​റ്റി റി​പ്പോ​ർ​ട്ടും അ​മ്മ​യി​ലെ കൂ​ട്ട​രാ​ജി​യും മ​ല​യാ​ള സി​നി​മ രം​ഗ​ത്തെ പ്ര​ശ്ന​ങ്ങ​ളും ഓ​ണ​ച്ചി​ത്ര​ങ്ങ​ളെ ബാ​ധി​ക്കി​ല്ലെന്നു വിലയിരുത്തൽ. തിയ​റ്റ​റു​ക​ളി​ൽ ഓ​ണം സി​നി​മ​ക​ൾ നേ​ര​ത്തെ ത​ന്നെ ചാ​ർ​ട്ട് ചെ​യ്ത​തി​നാ​ൽ അ​ടു​ത്ത​മാ​സം ആ​ദ്യം മു​ത​ൽ ത​ന്നെ സി​നി​മ​ക​ൾ തിയ​റ്റ​റു​ക​ളി​ലെ​ത്തും.

ഇ​ത്ത​വ​ണ ഓ​ണം തൂ​ത്തു​വാ​രാ​ൻ മ​ല​യാ​ള​ക്ക​ര​യി​ൽ വി​ജ​യ് ചി​ത്രം ‘ഗോ​ട്ട്’ ആ​ദ്യ​മെ​ത്തും. സെ​പ്റ്റംബ​ർ അ​ഞ്ചി​നാ​ണ് ഗോ​ട്ട് റി​ലീ​സ് ചെ​യ്യു​ന്ന​ത്. മ​ല​യാ​ള​ത്തി​ലെ സൂ​പ്പ​ർ​താ​ര​ങ്ങ​ളു​ടെ ചി​ത്ര​ങ്ങ​ളൊ​ന്നും ഇ​ത്ത​വ​ണ ഓ​ണം റി​ലീ​സി​നി​ല്ലെ​ന്ന​തി​നാ​ൽ വി​ജ​യ് ചി​ത്രം തിയ​റ്റ​റു​ക​ളി​ൽ ആ​ഘോ​ഷ​മാ​കു​മെ​ന്നാ​ണ് തിയ​റ്റ​റു​കാ​രും പ്ര​തീ​ക്ഷി​ക്കു​ന്ന​ത്.

സെ​പ്റ്റം​ബ​ർ 12ന് ​ടൊ​വീ​നോ തോ​മ​സി​ന്‍റെ ‘അ​ജ​യ​ന്‍റെ ര​ണ്ടാം മോ​ഷ​ണം’ (എആ​ർഎം) എ​ന്ന ത്രിഡി ചി​ത്രം തി​യ​റ്റ​റു​ക​ളി​ലെ​ത്തും. ഏ​റെ നാ​ള​ത്തെ കാ​ത്തി​രി​പ്പി​നു ശേ​ഷ​മാ​ണ് എആ​ർഎം എ​ത്തു​ന്ന​ത്. ഫാ​ന്‍റ​സി​യും ആ​ക്ഷ​നു​മൊ​ക്കെ ചേ​ർ​ന്ന എആ​ർഎം മി​ക​ച്ച തി​യ​റ്റ​ർ അ​നു​ഭ​വ​മാ​യി​രി​ക്കു​മെ​ന്ന​തു​കൊ​ണ്ടും ത്രി​ഡി​യാ​യ​തി​നാ​ൽ തിയ​റ്റ​റി​ൽ ത​ന്നെ കാ​ണ​ണ​മെ​ന്ന​തിനാലും ഈ ​ചി​ത്ര​ത്തി​ലും തി​യ​റ്റ​റു​കാ​ർ ഏ​റെ പ്ര​തീ​ക്ഷ​യ​ർ​പ്പി​ക്കു​ന്നു​ണ്ട്.

ആ​ന്‍റ​ണി പെ​പ്പെ​യു​ടെ ‘കൊ​ണ്ട​ൽ’ എ​ന്ന ആ​ക്ഷ​ൻ ചി​ത്ര​മാ​ണ് ഓ​ണ​ക്കാ​ല​ത്ത് തിയ​റ്റ​റു​ക​ളെ അ​ടി​യു​ടെ ഇ​ടി​യു​ടെ പൂ​രം കൊ​ണ്ട് ആ​ഘോ​ഷ​മാ​ക്കാ​നെ​ത്തു​ന്ന മ​റ്റൊ​രു ചി​ത്രം. ഒ​മ​ർ ലു​ലു സം​വി​ധാ​നം ചെ​യ്ത റ​ഹ്മാ​ൻ, ധ്യാ​ൻ ശ്രീ​നി​വാ​സ​ൻ എ​ന്നി​വ​ർ മു​ഖ്യ​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ച്ചി​ട്ടു​ള്ള ബാ​ഡ് ബോ​യ്സും ഓ​ണ​ത്തി​ന് എ​ത്തു​മെ​ന്നാ​ണ് റി​പ്പോ​ർ​ട്ടു​ക​ൾ.

മോ​ഹ​ൻ​ലാ​ലി​ന്‍റെ സം​വി​ധാ​ന​ത്തി​ലൊ​രു​ങ്ങു​ന്ന ആ​ദ്യ ചി​ത്ര​മാ​യ ബ​റോ​സ് എ​ന്ന ത്രി​ഡി ചി​ത്രം ഓ​ണ​ത്തി​നി​ല്ലെ​ന്ന് ഉ​റ​പ്പാ​യി. അ​ജ​യ​ന്‍റെ ര​ണ്ടാം മോ​ഷ​ണം എ​ന്ന ത്രി​ഡി സി​നി​മ ഓ​ണ​ത്തി​ന് റി​ലീ​സ് ചെ​യ്യു​ന്ന സാ​ഹ​ച​ര്യ​ത്തി​ൽ ര​ണ്ടു ത്രി ​ഡി ചി​ത്ര​ങ്ങ​ൾ ഒ​രു​മി​ച്ചു വേ​ണ്ട എ​ന്ന​തി​നാ​ലാ​ണ് ബ​റോ​സ് റി​ലീ​സ് നീ​ട്ടി​യ​തെ​ന്നാ​ണ് പ​റ​യു​ന്ന​ത്.

മ​മ്മൂ​ട്ടി​യു​ടെ ബ​സൂ​ക്ക​യും ഓ​ണ​ത്തി​നു​ണ്ടാ​വി​ല്ലെ​ന്നാ​ണ് സൂ​ച​ന. ഇ​തി​ന്‍റെ ട്രെ​യി​ല​ർ പു​റ​ത്തു​വ​ന്നെ​ങ്കി​ലും റി​ലീ​സ് നീ​ളു​മെ​ന്ന​റി​യു​ന്നു. ഇ​പ്പോ​ൾ തിയ​റ്റ​റു​ക​ളി​ലു​ള്ള വാ​ഴ​യും നു​ണ​ക്കു​ഴി​യും ഓ​ണം വ​രെ​യും ചി​ല​പ്പോ​ൾ ഓ​ണ​ക്കാ​ല​ത്തും തിയ​റ്റ​റു​ക​ളി​ൽ തു​ട​രു​മെ​ന്നാ​ണ് ബോ​ക്സോ​ഫീ​സ് ക​ണ​ക്കു​ക​ൾ ന​ൽ​കു​ന്ന സൂ​ച​ന.

ഏ​താ​യാ​ലും ഓ​ണാ​വ​ധി​ക്ക് അ​ടി​ച്ചു​പൊ​ളി​ക്കാ​ൻ ഒ​രു​പാ​ട് ചി​ത്ര​ങ്ങ​ളൊ​ന്നും തിയ​റ്റ​റു​ക​ളി​ലെ​ത്തി​ല്ലെ​ങ്കി​ലും വ​രു​ന്ന ചി​ത്ര​ങ്ങ​ൾ പ്രേ​ക്ഷ​ക​രെ​യും തിയ​റ്റ​റു​കാ​രെയും നി​ർ​മാ​താ​ക്ക​ളെയും നി​രാ​ശ​രാ​ക്കി​ല്ലെ​ന്ന പ്ര​തീ​ക്ഷ​യി​ലാ​ണ് ഒ​രു​പാ​ട് പ്ര​ശ്ന​ങ്ങ​ൾ​ക്കി​ട​യി​ലും സി​നി​മ​ാലോ​കം.