മുംബൈ: ഇന്ത്യ ആതിഥേയത്വം വഹിക്കുന്ന 2023 ഐസിസി ഏകദിന ലോകകപ്പ് ക്രിക്കറ്റിൽ ഒക്ടോബർ 15നു നിശ്ചയിച്ചിരുന്ന ഇന്ത്യൻ ടീമിനെതിരായ മത്സരം 14ലേക്കു മാറ്റാൻ പാക്കിസ്ഥാൻ സമ്മതമറിയിച്ചു.
അഹമ്മദാബാദിലാണു ലോകകപ്പിലെ ഗ്ലാമർ പോരാട്ടമായ ഇന്ത്യ x പാക്കിസ്ഥാൻ അരങ്ങേറുക.ഇന്ത്യ x പാക് പോരാട്ടം ഒക്ടോബർ 14ലേക്കു മാറ്റുന്ന പശ്ചാത്തലത്തിൽ 12നു നിശ്ചയിച്ചുരുന്ന പാക്കിസ്ഥാനും ശ്രീലങ്കയും തമ്മിലുള്ള മത്സരം 10ലേക്കും മാറ്റി.
നവരാത്രി ആഘോഷത്തിന്‍റെ സമയമായതിനാൽ ഒക്ടോബർ 15ന് സുരക്ഷാ പ്രശ്നം ഉണ്ടായേക്കും എന്ന അഹമ്മദാബാദ് പോലീസിന്‍റെ റിപ്പോർട്ടിന്‍റെ അടിസ്ഥാനത്തിലാണ് മത്സരം മാറ്റാൻ ബിസിസിഐയും ഐസിസിയും തീരുമാനിച്ചത്.
