മ​നു​ഷ്യ വി​ര​ൽ, ജീ​വ​നു​ള്ള മൂ​ർ​ഖ​ൻ പാ​മ്പ്, പ​ഴു​താ​ര, ച​ത്ത എ​ലി; ഓ​ൺ​ലൈ​നി​ൽ ഓ​ർ​ഡ​ർ ചെ​യ്യു​മ്പോ​ൾ ഒ​ന്ന് സൂ​ക്ഷി​ച്ചോ…

Rashtra Deepika

ഇ​ന്ത്യ​യി​ലെ ഓ​ൺ​ലൈ​ൻ ഷോ​പ്പ​ർ​മാ​ർ​ക്ക് മ​റ​ക്കാ​ൻ ക​ഴി​യാ​ത്ത ദി​വ​സ​ങ്ങ​ളാ​ണ് ഇ​ക്ക​ഴി​ഞ്ഞ​ത്. ഓ​ൺ​ലൈ​നി​ൽ ഓ​ർ​ഡ​ർ ചെ​യ്ത ഐ​സ്‌​ക്രീ​മി​ൽ നി​ന്ന് മ​നു​ഷ്യ വി​ര​ൽ ക​ണ്ടെ​ത്തി​യ​ത് മു​ത​ൽ പാ​ക്കേ​ജി​നു​ള്ളി​ൽ നി​ന്ന് ജീ​വ​നു​ള്ള മൂ​ർ​ഖ​ൻ പാ​മ്പി​നെ വ​രെ ആ​ളു​ക​ൾ​ക്ക് കി​ട്ടി. ഈ ​സം​ഭ​വ​ങ്ങ​ൾ നി​ര​വ​ധി ഉ​പ​ഭോ​ക്താ​ക്ക​ളെ ഞെ​ട്ടി​ക്കു​ക​യും ഓ​ൺ​ലൈ​ൻ ഷോ​പ്പിം​ഗി​ന്‍റെ സു​ര​ക്ഷ​യെ​യും വി​ശ്വാ​സ്യ​ത​യെ​യും കു​റി​ച്ച് ഗു​രു​ത​ര​മാ​യ ആ​ശ​ങ്ക​ക​ൾ ഉ​യ​ർ​ത്തു​ക​യും ചെ​യ്തു.

ജൂ​ൺ 12 ന് ​ആ​ണ് മും​ബൈ​യി​ൽ നി​ന്നു​ള്ള ഒ​രു ഡോ​ക്ട​ർ​ക്കാ​യി അ​യാ​ളു​ടെ സ​ഹോ​ദ​രി ഓ​ൺ​ലൈ​നി​ൽ ഐസ്ക്രീം ഓർഡർ ചെയ്തത്. ഓ​ർ​ഡ​ർ ചെ​യ്ത കോ​ൺ ഐ​സ്ക്രീ​മി​ൽ നി​ന്ന്  മ​നു​ഷ്യ​ വി​ര​ലാണ് അവർക്ക് ല​ഭി​ച്ച​ത്. ​ബ​ട്ട​ർ​സ്കോ​ച്ച് ഐ​സ്ക്രീം ക​ഴി​ക്കു​മ്പോ​ൾ അ​സാ​ധാ​ര​ണ​മാ​യ എ​ന്തോ ഒ​ന്ന് വാ​യി​ൽ ത​ട​ഞ്ഞു. തുടർന്ന് പ​രി​ശോ​ധി​ച്ച​പ്പോ​ൾ മ​നു​ഷ്യ വി​ര​ൽ ക​ണ്ടെ​ത്തു​ക​യാ​യി​രു​ന്നു. പിന്നാലെ സെ​റാ​വു മ​ലാ​ഡ് പോ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി. പ്രാ​ഥ​മി​ക അ​ന്വേ​ഷ​ണ​ത്തി​ൽ അ​റ്റു​പോ​യ ത​ള്ള​വി​ര​ൽ ഫാ​ക്ട​റി തൊ​ഴി​ലാ​ളി​യു​ടേ​താ​യി​രി​ക്കാ​മെ​ന്ന് സം​ശ​യം തോ​ന്നു​ക​യും, തു​ട​ർ​ന്ന് ഇ​ത് സ്ഥി​രീ​ക​രി​ക്കാ​ൻ പോ​ലീ​സ് പ​രി​ശോ​ധ​ന​ക​ൾ ന​ട​ത്തു​ക​യും ചെ​യ്തു.

സോ​ഫ്റ്റ്‌​വെ​യ​ർ എ​ഞ്ചി​നീ​യ​ർ​മാ​രാ​യ ബം​ഗ​ളൂ​രു ദ​മ്പ​തി​ക​ൾ​ക്ക് ത​ങ്ങ​ളു​ടെ ആ​മ​സോ​ൺ പാ​ക്കേ​ജി​നു​ള്ളി​ൽ നി​ന്നും കി​ട്ടി​യ​താ​വ​ട്ടെ ജീ​വ​നു​ള്ള ഒ​രു മൂ​ർ​ഖ​ൻ പാ​മ്പി​നെ​യാ​ണ്. ദ​മ്പ​തി​ക​ൾ ഒ​രു എ​ക്സ്ബോ​ക്സ് ക​ൺ​ട്രോ​ള​ർ ഓ​ർ​ഡ​ർ ചെ​യ്തു, പ​ക്ഷേ പെ​ട്ടി​യി​ൽ നി​ന്ന് പു​റ​ത്തു​വ​ന്ന​ത് ഒ​രു മൂ​ർ​ഖ​നാ​യി​രു​ന്നു. പെ​ട്ടി തു​റ​ന്ന​പ്പോ​ൾ പാ​മ്പ് പു​റ​ത്തേ​ക്ക് ഇ​ഴ​യാ​ൻ ശ്ര​മി​ക്കു​ന്ന​ത് വൈ​റ​ൽ വീ​ഡി​യോയിൽ കാ​ണാ​വു​ന്ന​താ​ണ്. ഭാ​ഗ്യ​വ​ശാ​ൽ പാ​മ്പ് പാ​ക്കേ​ജിം​ഗ് ടേ​പ്പി​ൽ കു​ടു​ങ്ങി​യ​ത് കൊണ്ട് അ​പ​ക​ടം ഒ​ന്നും ത​ന്നെ സം​ഭ​വി​ച്ചി​ല്ല.

എന്നാൽ നോ​യി​ഡ​യി​ലെ ദീ​പാ ദേ​വി എ​ന്ന സ്ത്രീ ഡെ​ലി​വ​റി ആ​പ്പ് വ​ഴി ഓ​ർ​ഡ​ർ ചെ​യ്ത ഐ​സ്ക്രീ​മി​ൽ നി​ന്ന് ല​ഭി​ച്ച​തോ പ​ഴു​താ​ര​യെ​യാ​ണ്. സം​ഭ​വ​ത്തി​ൽ ഭ​ക്ഷ്യ​സു​ര​ക്ഷാ ഉ​ദ്യോ​ഗ​സ്ഥ​ർ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ജൂ​ൺ 15 ന് ​ന​ട​ന്ന ഈ ​സം​ഭ​വ​ത്തി​ന്‍റെ ഫോ​ട്ടോ എ​ക്‌​സി​ൽ യു​വ​തി പ​ങ്കി​ട്ടി​ട്ടു​ണ്ട്. അ​മു​ൽ ബ്രാ​ൻ​ഡി​ന് കീ​ഴി​ൽ ഉ​ൽ​പ്പ​ന്ന​ങ്ങ​ൾ വി​ൽ​ക്കു​ന്ന ഗു​ജ​റാ​ത്ത് കോ​ഓ​പ്പ​റേ​റ്റീ​വ് മി​ൽ​ക്ക് മാ​ർ​ക്ക​റ്റിം​ഗ് ഫെ​ഡ​റേ​ഷ​ൻ (ജി​സി​എം​എം​എ​ഫ്) സം​ഭ​വ​ത്തി​ലും ഉ​പ​ഭോ​ക്താ​വി​നു​ണ്ടാ​യ അ​സൗ​ക​ര്യ​ത്തി​ലും ഖേ​ദം പ്ര​ക​ടി​പ്പി​ച്ചു.

സ​മാ​ന​മാ​യ ഒ​രു സം​ഭ​വ​ത്തി​ൽ, ഒ​രു കു​ടും​ബം സെ​പ്‌​റ്റോ​യി​ൽ നി​ന്ന് വാ​ങ്ങി​യ ഹെ​ർ​ഷീസിന്‍റെ ചോ​ക്ലേ​റ്റ് സി​റ​പ്പി​ൻ്റെ സീ​ൽ ചെ​യ്ത കു​പ്പി​യി​ൽ നിന്ന് ച​ത്ത എ​ലി​യെ ക​ണ്ടെ​ത്തി​യി​രു​ന്നു. ഇ​ൻ​സ്റ്റ​ഗ്രാ​മി​ലൂ​ടെ​യാ​ണ് അ​വ​ർ ഞെ​ട്ടി​പ്പി​ക്കു​ന്ന സം​ഭ​വം പ​ങ്കു​വെ​ച്ച​ത്. പ​രി​ഹാ​ര​ത്തി​നാ​യി ത​ങ്ങ​ളു​മാ​യി ബ​ന്ധ​പ്പെ​ടാ​ൻ ഹെ​ർ​ഷേ​സ് കു​ടും​ബ​ത്തോ​ട് ആ​വ​ശ്യ​പ്പെ​ട്ടി​ട്ടു​ണ്ടെ​ങ്കി​ലും ഇ​തു​വ​രെ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.

ആ​ര​യ​ൻ​ഷ് എ​ന്ന ഉ​പ​യോ​ക്താ​വ് എ​ക്സി​ൽ താ​ൻ ഓ​ർ​ഡ​ർ ചെ​യ്ത ലൈം ​സോ​ഡ​യ്ക്ക് പ​ക​രം സ്വി​ഗ്ഗി​യി​ൽ നി​ന്ന് ല​ഭി​ച്ച ഒ​രു ഒ​ഴി​ഞ്ഞ സീ​ൽ ചെ​യ്ത ക​ണ്ടെ​യ്‌​ന​റി​ന്‍റെ ഫോ​ട്ടോ പ​ങ്കി​ട്ടു. ഫോ​ട്ടോ​യ്‌​ക്കൊ​പ്പം ആ​ക്ഷേ​പ​ഹാ​സ്യം നി​റ​ഞ്ഞ ഒ​രു അ​ടി​ക്കു​റി​പ്പും ഉ​ണ്ടാ​യി​രു​ന്നു,’ന​ന്ദി, സ്വി​ഗ്ഗി, എ​നി​ക്ക് അ​ട​ച്ച ശൂ​ന്യ​മാ​യ ഗ്ലാ​സ് അ​യ​ച്ച​തി​ന്. എ​ന്‍റെ നാ​ര​ങ്ങ സോ​ഡ മ​റ്റൊ​രു ക്ര​മ​ത്തി​ൽ വ​രു​മെ​ന്ന് ഞാ​ൻ പ്ര​തീ​ക്ഷി​ക്കു​ന്നു’ എ​ന്നും കു​റി​ച്ചു.

സ്വി​ഗ്ഗി സം​ഭ​വ​ത്തി​ൽ പെ​ട്ടെ​ന്ന് ത​ന്നെ പ്ര​തി​ക​രി​ക്കു​ക​യും അ​ന്വേ​ഷി​ക്കാ​ൻ ത​ന്‍റെ ഓ​ർ​ഡ​ർ ഐ​ഡി ആ​വ​ശ്യ​പ്പെ​ടു​ക​യും ചെ​യ്തു. 120 രൂ​പ​യു​ടെ സോ​ഡ​യ്ക്ക് ത​നി​ക്ക് 80 രൂ​പ റീ​ഫ​ണ്ട് ല​ഭി​ച്ച​താ​യി ആ​ര​യ​ൻ​ഷ് പി​ന്നീ​ട് പ​രി​ഹാ​സ​ത്തോ​ടെ അ​പ്ഡേ​റ്റ് ചെ​യ്തു.

Live Snake in my Amazon Order
byu/tanvi2002 inIndianGaming

Related posts

Leave a Comment