കൊച്ചി: മാനദണ്ഡങ്ങള്‍ പാലിക്കാതെയുള്ള ഒടിടി റിലീസിനെതിരെ തിയേറ്ററുടമകളുടെ സംഘടനയായ ഫിയോക് നടത്തുന്ന സൂചന സമരം തുടങ്ങി. സമരത്തിന്റെ ഭാഗമായിട്ട് ഇന്നും നാളെയും തീയറ്ററുകള്‍ അടഞ്ഞു കിടക്കും.
സിനിമ, തിയേറ്ററില്‍ റിലീസ് ചെയ്ത് 42 ദിവസം കഴിഞ്ഞാല്‍ മാത്രമേ ഒടിടി പ്ലാറ്റ്‌ഫോമില്‍ റിലീസ് ചെയ്യാവൂ എന്നായിരുന്നു തിയേറ്റര്‍ ഉടമകളും നിര്‍മാതാക്കളും തമ്മിലുള്ള ധാരണ.
എന്നാല്‍ ചില നിര്‍മാതാക്കള്‍ ഈ കരാര്‍ പൂര്‍ണമായും ലംഘിക്കുന്നുവെന്നാണ് ഫിയോക്കിന്‍റെ പരാതി. ഇതേ തുടര്‍ന്നാണ് രണ്ടു ദിവസം തിയറ്ററുകള്‍ അടച്ച് സമരം നടത്തുന്നത്. അതേസമയം, എക്‌സിബിറ്റേഴ്‌സ് ഫെഡറേഷന്‍റെ തിയേറ്ററുകള്‍ അടച്ചിട്ടില്ല.
