56 കഷ്ണങ്ങള്‍..! പ​ത്മ​ത്തി​ന്‍റെ മൃ​ത​ദേ​ഹ​ത്തി​നാ​യു​ള്ള കു​ടും​ബ​ത്തി​ന്‍റെ കാ​ത്തി​രി​പ്പ് നീ​ളു​ന്നു! മകന്റെ ആവശ്യത്തിന്‌ ഇ​നി​യും ന​ട​പ​ടി ആ​യി​ട്ടി​ല്ല

കൊ​ച്ചി: ഇ​ല​ന്തൂ​രി​ല്‍ ന​ര​ബ​ലി​ക്കി​ര​യാ​യി ഒ​രു​മാ​സം പി​ന്നി​ട്ടി​ട്ടും സം​സ്‌​കാ​ര​ത്തി​നാ​യി മൃ​ത​ദേ​ഹം വി​ട്ട് കി​ട്ടാ​നാ​യു​ള്ള പ​ത്മ​യു​ടെ കു​ടും​ബ​ത്തി​ന്‍റെ കാ​ത്തി​രി​പ്പ് നീ​ളു​ന്നു.

സെ​പ്റ്റം​ബ​ര്‍ 26 നാ​ണ് കേ​സി​ലെ മു​ഖ്യ​പ്ര​തി മു​ഹ​മ്മ​ദ് ഷാ​ഫി​ക്കൊ​പ്പം എ​റ​ണാ​കു​ള​ത്തു​നി​ന്നും പ​ത്മ ഇ​ല​ന്തൂ​രിലേ​ക്ക് പോ​യ​ത്.

പി​ന്നീ​ട് ഇ​വ​ര്‍ കൊ​ല്ല​പ്പെ​ട്ടെ​ന്ന വാ​ര്‍​ത്ത​യാ​ണ് കു​ടും​ബം അ​റി​ഞ്ഞ​ത്. ന​ര​ബ​ലി​യു​ടെ ഭാ​ഗ​മാ​യി 56 ക​ഷ്ണ​ങ്ങ​ളാ​യാ​ണ് പ​ത്മ​യു​ടെ ശ​രീ​രം വെ​ട്ടി​നു​റു​ക്കി​യ​തെ​ന്നാ​ണ് പോ​ലീ​സ് കോ​ട​തി​യി​ല്‍ വ്യ​ക്ത​മാ​ക്കി​യ​ത്.

സം​ഭ​വ​ത്തി​നു പി​ന്നാ​ലെ ത​മി​ഴ്‌​നാ​ട്ടി​ല്‍ നി​ന്നും കൊ​ച്ചി​യി​ലെ​ത്തി​യ പ​ത്മ​യു​ടെ മ​ക​ന്‍ മ​താ​ചാ​രപ്ര​കാ​രം സം​സ്‌​കാരം ന​ട​ത്തു​ന്ന​തി​ന് മൃ​ത​ദേ​ഹം ആ​വ​ശ്യ​പ്പെ​ട്ടെ​ങ്കി​ലും ഇ​നി​യും ഈ ​കാ​ര്യ​ത്തി​ല്‍ ന​ട​പ​ടി ആ​യി​ട്ടി​ല്ല.

ഇ​ല​ന്തൂ​രി​ല്‍ നി​ന്നും ക​ണ്ടെ​ത്തി​യ മൃ​ത​ദേ​ഹാ​വ​ശി​ഷ്ട​ങ്ങ​ള്‍ കോ​ട്ട​യം മെ​ഡി​ക്ക​ല്‍ കോ​ള​ജി​ല​ണ് സൂ​ക്ഷി​ച്ചി​രി​ക്കു​ന്ന​ത്.

ഡി​എ​ന്‍​എ ഫ​ലം ല​ഭി​ക്കാ​ത്ത​തി​നാ​ലാ​ണ് മൃ​ത​ദേ​ഹം വി​ട്ടു​കൊ​ടു​ക്കു​ന്ന​തി​ന് കാ​ല​താ​മ​സം നേ​രി​ടു​ന്ന​തെ​ന്നാ​ണ് ബ​ന്ധു​ക്ക​ള്‍​ക്ക് ഔ​ദ്യോ​ഗി​ക​മാ​യി ല​ഭി​ക്കു​ന്ന മ​റു​പ​ടി.

ന​ര​ബ​ലി​ക്കി​ര​യാ​യ കാ​ല​ടി സ്വ​ദേ​ശി​നി റോ​സ്‌​ലി​ന്‍റേ​തെ​ന്നു സം​ശ​യി​ക്കു​ന്ന മൃ​ത​ദേ​ഹ​വും ഇ​ല​ന്തൂ​രി​ലെ വീ​ട്ടു​വ​ള​പ്പി​ല്‍ നി​ന്നും പോ​ലീ​സി​നു ല​ഭി​ച്ചി​രു​ന്നു.

അ​ഞ്ചുഭാഗ​ങ്ങ​ളാ​യി​ട്ടാ​യി​രു​ന്നു ഇ​ത്. ഇ​വ​യു​ടെ പ​രി​ശോ​ധ​നാ ന​ട​പ​ടി​ക​ളും പു​രോ​ഗ​മി​ക്കു​ക​യാ​ണ്.

ര​ണ്ട് ശ​രീ​രഭാ​ഗ​ങ്ങ​ളി​ലും പ​ത്മ​യു​ടെ​യും റോ​സി​ലി​ന്‍റെ​യും ഏ​തെ​ന്നു ഉ​റ​പ്പി​ക്കേ​ണ്ട​തു​ണ്ട് അ​ന്വേ​ഷ​ണ​സം​ഘ​ത്തി​ന്.

വൈ​കാ​തെ ശാ​സ്ത്രീ​യ പ​രി​ശോ​ധ​ന​ക​ള​ട​ക്കം പൂ​ര്‍​ത്തി​യാ​ക്കാ​നാ​കു​മെ​ന്ന പ്രതീ​ക്ഷ​യി​ലാ​ണ് അ​ന്വേ​ഷ​ണ​സം​ഘം.