ശിൽപ ഷെട്ടി പൊട്ടിത്തെറിച്ച വാർത്തയാണ് ബോളിവുഡിൽ ഇപ്പോൾ സംസാര വിഷയം. പത്മാവതി സിനിമയെ ക്കുറിച്ച് മാധ്യമ പ്രവർത്തകർ ചോദിച്ചപ്പോളാണ് ശിൽപ ചുട്ട മറുപടി കൊടുത്തത്. പത്മാവതിയെപ്പറ്റി എന്നോട് എന്തിനാണ് ചോദിക്കുന്നത്… ഇനി ചോദിച്ചാൽ മൈക്ക് കൊണ്ട് അടി തരുമെന്ന് ശിൽപ ഷെട്ടി പറഞ്ഞു.
വിവാദങ്ങളിൽ ചെന്നു വീഴാതെ ഒഴിഞ്ഞുമാറാനാണ് താരം ശ്രമിച്ചതെങ്കിൽ അതിനായി പറഞ്ഞ മറുപടി ഇപ്പോൾ വിവാദമായിരിക്കുകയാണ്. ദീപിക പദുക്കോൺ നായികയായി എത്തുന്ന പത്മവാതി സിനിമ ചരിത്രത്തെ വളച്ചൊടിക്കുകയാണെന്ന ആരോപണത്തിൽ പെട്ട് റിലീസ് ചെയ്യാൻ കഴിഞ്ഞിട്ടില്ല.
ചിത്രത്തെ അനുകൂലിച്ചും പ്രതികൂലിച്ചും ഒരുപാട് പ്രമുഖർ രംഗത്ത് എത്തിയിരുന്നു. ഇതിനെ തുടർന്നാണ് മാധ്യമ പ്രവർത്തകർ ശിൽപ ഷെട്ടിയുടെ അഭിപ്രായം ആരാഞ്ഞത്. പക്ഷേ ആ ചോദ്യം കേട്ട് താരം പ്രകോപിതയാകുകയായിരുന്നു.
