പാ​യി​പ്ര ക​വ​ല​യി​ൽ ഗ​താ​ഗ​ത​ക്കു​രു​ക്ക് രൂ​ക്ഷം; അപകടങ്ങൾ തുടർക്കഥ; നിരവധി പരാതി നൽകിയിട്ടും നടപടിയെടുക്കാതെ അധികൃതർ

മൂ​വാ​റ്റു​പു​ഴ: എം​സി റോ​ഡി​ൽ പാ​യി​പ്ര ക​വ​ല​യി​ൽ ഗ​താ​ഗ​ത​ക്കു​രു​ക്ക് രൂ​ക്ഷം. ഇ​തോ​ടെ ഇ​വി​ടെ അ​പ​ക​ട​ങ്ങ​ളും പ​തി​വാ​യി​രി​ക്കു​ക​യാ​ണ്. നാ​ട്ടു​കാ​ർ പ​ല​വ​ട്ടം പ​രാ​തി​പ്പെ​ട്ടെ​ങ്കി​ലും ഗ​താ​ഗ​ത​ക്കു​രു​ക്കി​നു പ​രി​ഹാ​രം കാ​ണു​വാ​ൻ അ​ധി​കൃ​ത​ർ​ക്കു ക​ഴി​ഞ്ഞി​ട്ടി​ല്ല. ക​ഴി​ഞ്ഞ ദി​വ​സം ചേ​ർ​ന്ന താ​ലൂ​ക്ക് വി​ക​സ​ന യോ​ഗ​ത്തി​ൽ പാ​യി​പ്ര പ​ഞ്ചാ​യ​ത്ത് പ്ര​സി​ഡ​ന്‍റ് ആ​ലീ​സ് കെ. ​ഏ​ലി​യാ​സ് ഗ​താ​ഗ​ത​ക്കു​രു​ക്കി​നു പ​രി​ഹാ​രം കാ​ണു​വാ​ൻ വി​വി​ധ ആ​വ​ശ്യ​ങ്ങ​ൾ ഉ​ന്ന​യി​ച്ചി​രു​ന്നു.

ബ​സ് സ്റ്റോ​പ്പി​ൽ നോ ​പാ​ർ​ക്കിം​ഗ് ബോ​ർ​ഡു​ക​ൾ സ്ഥാ​പി​ക്കു​ക, റോ​ഡ​രി​കി​ൽ അ​ന​ധി​കൃ​ത​മാ​യി വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​വ​രി​ൽ​നി​ന്ന് പി​ഴ ഈ​ടാ​ക്കു​ക, പ​ഞ്ചാ​യ​ത്ത് ഓ​ഫീ​സി​ൽ എ​ത്തു​ന്ന വയോധികർ​ക്കും വി​ഗ​ലാം​ഗ​ർ​ക്കും സൗ​ക​ര്യ​പ്ര​ദ​മാ​യ വി​ധ​ത്തി​ൽ ഓ​ഫീ​സി​നു മു​ന്നി​ൽ ബ​സ് സ്റ്റോ​പ്പ് അ​നു​വ​ദി​ക്കു​ക തു​ട​ങ്ങി​യ ആ​വ​ശ്യ​ങ്ങ​ളാ​ണ് താ​ലൂ​ക്ക് വി​ക​സ​ന യോ​ഗ​ത്തി​ൽ പ്ര​സി​ഡ​ന്‍റ് ഉ​ന്ന​യി​ച്ചി​രി​ക്കു​ന്ന​ത്.

പാ​യി​പ്ര ക​വ​ല​യി​ലെ ഗ​താ​ഗ​ത​കു​രു​ക്കി​ന് ശാ​ശ്വ​ത പ​രി​ഹാ​ര​മെ​ന്ന​ത് അ​ധി​കൃ​ത​ർ ഏ​റെ​ക്കാ​ല​മാ​യി ന​ൽ​കു​ന്ന വാ​ഗ്ദാ​ന​മാ​ണ്. ഏ​റെ തി​ര​ക്കു​ള്ള ഇ​വി​ടെ നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. സ​ബൈ​ൻ ആ​ശു​പ​ത്രി​യും ഇ​തി​ന​ടു​ത്ത് ത​ന്നെ​യാ​ണ് സ്ഥി​തി​ചെ​യ്യു​ന്ന​ത്. ഇ​ക്കാ​ര്യ​ങ്ങ​ളെ​ല്ലാം പ​രി​ഗ​ണി​ച്ചാ​ണ് പാ​യി​പ്ര​യ്ക്ക് സ്വ​ന്ത​മാ​യ ഒ​രു വി​ക​സ​ന പ​ദ്ധ​തി ഉ​ണ്ടാ​കേ​ണ്ട​ത് അ​നി​വാ​ര്യ​മാ​ണെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.

പ്ര​ശ്ന പ​രി​ഹാ​ര​ത്തി​ന് ക​വ​ല​യി​ലെ അ​ന​ധി​കൃ​ത പാ​ർ​ക്കിം​ഗ് ക​ർ​ശ​ന​മാ​യി ത​ട​യ​ണം. ബ​സ് സ്റ്റോ​പ്പു​ക​ൾ മാ​റ്റി സ്ഥാ​പി​ക്ക​ണം. ഇ​പ്പോ​ൾ ക​വ​ല​യു​ടെ ന​ടു​വി​ലാ​യാ​ണ് ഇ​രു വ​ശ​ത്തേ​ക്കും പോ​കേ​ണ്ട ബ​സു​ക​ൾ നി​ർ​ത്തു​ന്ന​ത്.പാ​യി​പ്ര റോ​ഡി​ൽ​നി​ന്ന്എം​സി റോ​ഡി​ലേ​ക്ക് വ​രു​ന്ന ബ​സു​ക​ൾ ഒ​ഴി​കെ​യു​ള്ള ഭാ​ര​വ​ണ്ടി​ക​ൾ ബൈ​പ്പാ​സ് റോ​ഡു​വ​ഴി എം​സി റോ​ഡി​ലെ​ത്ത​ണ​മെ​ന്ന നി​യ​മം കാ​റ്റി​ൽ​പ്പ​റ​ത്തി​യി​രി​ക്കു​ക​യാ​ണ്. ചി​ല​രു​ടെ താ​ത്പ​ര്യ​ങ്ങ​ൾ സം​ര​ക്ഷി​ക്കാ​ൻ സ​മ്മ​ർ​ദ​ങ്ങ​ൾ​ക്കു വ​ഴ​ങ്ങി പ​ഞ്ചാ​യ​ത്ത് ഭ​ര​ണ​സ​മി​തി ഗ​താ​ഗ​ത പ​രി​ഷ്ക്കാ​രം അ​ട്ടി​മ​റി​ച്ച​താ​യും ആ​ക്ഷേ​പം ഉ​യ​ർ​ന്നി​ട്ടു​ണ്ട്.

റോ​ഡി​നു കു​റു​കെ ക​ട​ക്കാ​ൻ​പോ​ലും ഇ​വി​ടെ ജ​ന​ങ്ങ​ൾ ഭ​യ​പ്പെ​ടു​ക​യാ​ണ്. അ​പ​ക​ട​ങ്ങ​ൾ പ​തി​വാ​യ​തോ​ടെ വി​വി​ധ സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ ന​ട​ന്ന പ്ര​ക്ഷോ​ഭ​ങ്ങ​ൾ​ക്കൊ​ടു​വി​ൽ ര​ണ്ടു വ​ർ​ഷം മു​ന്പ് വി​വി​ധ വ​കു​പ്പ് ഉ​ദ്യോ​ഗ​സ്ഥ​ർ ചേ​ർ​ന്ന് റോ​ഡ് സു​ര​ക്ഷ ഉ​റ​പ്പാ​ക്കാ​നാ​യി പ​ഠ​ന​ങ്ങ​ൾ ന​ട​ത്തി റി​പ്പോ​ർ​ട്ടും സ​മ​ർ​പ്പി​ച്ചി​രു​ന്നു. സ്പീ​ഡ് ബ്രേ​ക്ക​ർ, സി​ഗ്ന​ൽ ബോ​ർ​ഡു​ക​ൾ, ജം​ഗ്ഷ​നി​ൽ മൂ​ന്നി​ട​ങ്ങ​ളി​ലാ​യി സീ​ബ്രാ ലൈ​ൻ എ​ന്നി​വ സ്ഥാ​പി​ക്ക​ണ​മെ​ന്നാ​യി​രു​ന്നു നി​ർ​ദേ​ശം. എ​ന്നാ​ൽ റോ​ഡ് സു​ര​ക്ഷ​യ്ക്കാ​യി കാ​ര്യ​മാ​യ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല.

വി​ദ്യാ​ർ​ഥി​ക​ൾ അ​ട​ക്ക​മു​ള്ള​വ​ർ റോ​ഡി​നു കു​റു​കെ ക​ട​ക്കു​ന്ന​ത് അ​പ​ക​ട​ക​ര​മാ​യ രീ​തി​യി​ലാ​ണ്. ഇ​തു ത​ട​യാ​ൻ സി​ഗ്ന​ൽ ലൈ​റ്റു​ക​ൾ സ്ഥാ​പി​ക്ക​ണ​മെ​ന്നും നി​ർ​ദേ​ശ​മു​ണ്ടാ​യി​രു​ന്നു. തി​ര​ക്കേ​റി​യ സ​മ​യ​ങ്ങ​ളി​ൽ ട്രാ​ഫി​ക് പോ​ലീ​സി​നെ നി​യോ​ഗി​ക്ക​ണ​മെ​ന്ന ആ​വ​ശ്യ​വും ന​ട​പ്പാ​യി​ല്ല.