ന്യൂഡല്‍ഹി: ലോകത്തിൽ ഏറ്റവും മികച്ച ‘ടോയ്‌ലെറ്റ് പേപ്പര്‍’ ഏതെന്ന് അറിയാൻ ഗൂഗിളിൽ സെർച്ച് ചെയ്താൽ ഉത്തരമായി കിട്ടുക പാക്കിസ്ഥാന്‍റെ ദേശീയ പതാക. പുല്‍വാമ ആക്രമണത്തിന് പിന്നാലെ ഇപ്പോള്‍ ഇതാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്. നിരവധി പേര്‍ ഇക്കാര്യം ഹാഷ്‌ടാഗോടെ ട്വീറ്റ് ചെയ്തിട്ടുണ്ട്.
ഗൂഗിളിൽ best toilet paper in the world എന്ന് തെരയുമ്പോഴാണ് പാക് പതാകയുടെ ചിത്രങ്ങൾ ലഭിക്കുന്നത്. ട്വിറ്ററിൽ നിരവധി ആളുകളാണ് #besttoiletpaper എന്ന ഹാഷ്‌ടാഗോടെ സേർച്ച് ഫലം പ്രചരിപ്പിക്കുന്നത്. ഗൂഗിള്‍ സെര്‍ച്ചിന്‍റെ പ്രത്യേകത മൂലമാണ് ഇത്തരം വൈരുദ്ധ്യങ്ങളായ സെർച്ച് ഫലങ്ങൾ ലഭിക്കുന്നത്.
പുൽവാമയിൽ 44 സിആർപിഎഫ് ജവാന്മാര്‍ വീരമൃത്യു വരിച്ചതിന് പിന്നാലെ സൈബർ ലോകത്ത് ആക്രമണം കടുത്തിരുന്നു. പാക് വെബ്സൈറ്റുകൾ ഒന്നൊന്നായി പൂട്ടിയതിന് പിന്നിൽ ഇന്ത്യൻ ഹാക്കർമാരാണെന്ന് പാക്കിസ്ഥാൻ വിമർശിച്ചിരുന്നു.
