ദുബായ്: ഏകദിന ക്രിക്കറ്റ് റാങ്കിംഗില്‍ കുതിപ്പ് നടത്തി പാക്കിസ്ഥാന്‍. അന്താരാഷ്ട്ര ക്രിക്കറ്റ് സംഘടനയായ ഐസിസി പുറത്തുവിട്ട ഏറ്റവും പുതിയ ഏകദിന റാങ്കിംഗ് പ്രകാരം പാക്കിസ്ഥാന്‍ ഒന്നാം സ്ഥാനത്തെത്തി.
ന്യൂസീലന്‍ഡിനെതിരായ ഏകദിന പരമ്പര വിജയിച്ചതിന് പിന്നാലെയാണ് പാക്കിസ്ഥാൻ ലോക ഒന്നാം നമ്പര്‍ ഏകദിനടീമായി മാറിയത്.
ഓസ്‌ട്രേലിയയെ മറികടന്നാണ് പാക്കിസ്ഥാന്‍റെ കുതിപ്പ്.
ഇന്ത്യ മൂന്നാം റാങ്കിലാണ്. ഇംഗ്ലണ്ട്, ന്യൂസീലന്‍ഡ് എന്നീ ടീമുകളാണ് നാല്, അഞ്ച് റാങ്കുകളില്‍. 2005-ല് അന്താരാഷ്ട്ര ക്രിക്കറ്റ് കൗണ്‍സില്‍ റാങ്കിംഗ് സിസ്റ്റം ഔദ്യോഗികമായി അംഗീകരിച്ചതിനുശേഷം ഇതാദ്യമായാണ് പാക്കിസ്ഥാന്‍ ഒന്നാമതെത്തുന്നത്.
ഇതിന് മുന്‍പ് മൂന്നാം റാങ്കിലെത്തിയതാണ് പാക്കിസ്ഥാന്‍റെ മികച്ച പ്രകടനം. 2018 ജനുവരിയിലും 2022 ജൂണിലും ടീം മൂന്നാം റാങ്കിലെത്തിയിരുന്നു.
