ദുഖം താങ്ങാനാവാതെ സ​ഹ​പാ​ഠി​ക​ളും അ​ധ്യാ​പ​ക​രും;  യൂ​ണി​ഫോ​മും പുസ്തകം വാങ്ങേണ്ട ദിവസം സ്കൂളിലെത്തിയത് അഭിജിത്തിന്‍റെ ചേതനയറ്റ ശരീരം

മു​ണ്ട​ക്ക​യം: ര​ണ്ടാ​ഴ്ച ക​ഴി​ഞ്ഞു ക​ളി​ചി​രി​യു​മാ​യി സ്കൂ​ളി​ലെ​ത്തേ​ണ്ട അ​ഭി​ജി​ത്തി​ന്‍റെ ചേ​ത​ന​യ​റ്റ ശ​രീ​ര​മാ​ണു ഇ​ന്നു വ​ൻ​ജ​നാ​വ​ലി​യു​ടെ സാ​ന്നി​ധ്യ​ത്തി​ലെ​ത്തി​ച്ച​ത്. സ​ഹ​പാ​ഠി​ക​ളും അ​ധ്യാ​പ​ക​രും നാ​ട്ടു​കാ​ർ​ക്കും ഈ​രം​ഗം സ​ഹി​ക്കാ​നാ​വു​ന്ന​തി​ല​പ്പു​റ​മാ​യി​രു​ന്നു. വാ​വി​ട്ടു വി​ല​പി​ക്കു​ന്ന​വ​രെ ആ​ശ്വ​സി​പ്പി​ക്കാ​ൻ ഒ​ത്തു​കൂ​ടി​യ​വ​ർ​ക്കാ​യി​ല്ല.

സി​കെഎം സ്കൂ​ളി​ൽ ഒ​ന്പ​താം ക്ലാ​സ് വി​ദ്യാ​ർ​ഥി​യാ​ണു അ​ഭി​ജി​ത്. അ​ഭി​ജി​ത്തി​ന്‍റെ ചേ​ത​ന​യ​റ്റ ശ​രീ​ര​ത്തി​നു മു​ന്നി​ൽ സ​ഹ​പാ​ഠി​ക​ളു​ടെ ക​ണ്ണീ​ർ​പ്പൂ​ക്ക​ൾ വീ​ണു. പ​ള​നി​യാ​ത്ര​ക​ഴി​ഞ്ഞു നാ​ളെ സ്കൂ​ളി​ലെ​ത്തി പു​സ്ത​ക​വും യൂ​ണി​ഫോ​മും വാ​ങ്ങാ​നായി​രു​ന്നു അ​ഭി​ജി​ത്തി​ന്‍റെ മാ​താ​പി​താ​ക്ക​ൾ തീ​രു​മാ​നി​ച്ചി​രു​ന്ന​ത്.

പ​ള​നി ദു​ര​ന്ത​ത്തി​ൽ മ​രി​ച്ച പാ​റ​യി​ൽ ശ​ശി​യു​ടെ മ​ക​ൻ ജി​നു​വി​ന്‍റെ മൂ​ത്ത​മ​ക​നാ​ണ് അ​ഭി​ജി​ത്ത്. അ​വ​ധി​ക്കു പി​ക്നി​ക്കി​നു കൊ​ണ്ടു​പോ​ക​ണ​മെ​ന്ന് അ​ഭി​ജി​ത്തും അ​നു​ജ​ൻ ആ​ദി​ത്യ​നും നി​ർ​ബ​ന്ധം പി​ടി​ച്ച​പ്പോ​ൾ പ​ക​രം ഇ​വ​രെ പ​ള​നി തീ​ർ​ഥാ​ട​ന​ത്തി​നു കൊ​ണ്ടു​പോ​കു​ക​യാ​യി​രു​ന്നു.

അ​പ​ക​ട​ത്തി​ൽ മ​രി​ച്ച സു​രേ​ഷി​നേ​ക്കു​റി​ച്ചും സു​രേ​ഷി​ന്‍റെ മ​ക​നും സ്കൂ​ളി​ലെ പൂ​ർ​വ വി​ദ്യാ​ർ​ഥി​യു​മാ​യ മ​നു​വി​നേ​ക്കു​റി​ച്ചും സി​കെഎം സ്കൂ​ൾ ഹെ​ഡ്മി​സ്ട്സ്ര് പി.​കെ.​വി​മ​ല​യ്ക്കും ജീ​വ​ന​ക്കാ​ർ​ക്കും പ​റ​യാ​ൻ ന​ല്ല​തു മാ​ത്ര​മെ​യു​ള്ളു. സ്കു​ളി​ലേ​ക്കു​ള്ള ഷെ​ൽ​ഫു​ക​ളും ക​ബോ​ർ​ഡു​ക​ളും അ​ലു​മി​നി​യം ഫാ​ബ്രി​ക്കേ​ഷ​ൻ ജോ​ലി​ക്കാ​രാ​യ സു​രേ​ഷും മ​ക​ൻ മ​നു​വു​മാ​ണ് ത​യാ​റാ​ക്കി​യ​ത്.

തി​ങ്ക​ളാ​ഴ്ച രാ​വി​ലെ​യും സ്കൂ​ളി​ലെ​ത്തി ഇ​വ​ർ ഇ​തി​നു​ള്ള ജോ​ലി​ക​ൾ ചെ​യ്തി​രു​ന്നു. അപകടത്തിൽ പ​രി​ക്കേ​റ്റു ചി​കി​ത്സ ക​ഴി​യു​ന്ന ഇ​തേ​സ്കൂ​ളി​ലെ ഏ​ഴാം ക്ലാ​സ് വി​ദ്യാ​ർ​ഥി​യാ​ണ് അ​ഭി​ജി​ത്തി​ന്‍റെ സ​ഹോ​ദ​ര​ൻ ആ​ദി​ത്യ(11)​ൻ.