പളനിയമ്മ വിളിച്ചു; “കുവി’ ഓടിയെത്തി; എ​ട്ടു​മാ​സ​ത്തി​നു​ശേ​ഷം പെ​ട്ടി​മു​ടിയിൽ വെച്ച്  വീണ്ടും കണ്ടപ്പോൾ ഉള്ള ഇരുവരുടേയും സ്നേ​ഹ പ്ര​ക​ട​ന​ങ്ങ​ൾ ക​ണ്ടു​നി​ന്ന​വ​രു​ടെ ക​ണ്ണു​കളേയും ഈ​റ​ന​ണി​യി​ച്ചു

മൂ​ന്നാ​ർ: കു​വീ… എ​ട്ടു​മാ​സം​മു​ന്പ് കേ​ട്ട ആ ​ശ​ബ്ദ​ത്തി​ന്‍റെ ഉ​ട​മ​യെ കു​വി​യെ​ന്ന നാ​യ തി​രി​ച്ച​റി​ഞ്ഞു. പെ​ട്ടി​മു​ടി ദു​ര​ന്ത​ത്തി​ൽ ഉ​റ്റ​വ​രെ​യും ഉ​ട​യ​വ​രെ​യും ന​ഷ്ട​പ്പെ​ട്ട് വേ​ദ​ന​യു​ടെ മു​റി​പ്പാ​ടു​ക​ളു​മാ​യി ക​ഴി​യു​ന്ന പ​ള​നി​യ​മ്മ​യു​ടെ വി​ളി കേ​ട്ട​യു​ട​ൻ​ത​ന്നെ കു​വി ആ ​ശ​ബ്ദ​ത്തി​ന്‍റെ ഉ​ട​മ​യെ തി​രി​ച്ച​റി​ഞ്ഞ് ഓ​ടി​യെ​ത്തു​ക​യാ​യി​രു​ന്നു.

പി​ന്നീ​ടാ​ണ് മ​നു​ഷ്യ​നും വ​ള​ർ​ത്തു​മൃ​ഗ​ങ്ങ​ളും ത​മ്മി​ലു​ള്ള സ്നേ​ഹം വെ​ളി​പ്പെ​ടു​ത്തു​ന്ന വി​ധ​ത്തി​ലു​ള്ള ദൃ​ശ്യ​ങ്ങ​ൾ മൂ​ന്നാ​റി​ൽ അ​ര​ങ്ങേ​റി​യ​ത്.

ദു​ര​ന്ത​ത്തി​ന് എ​ട്ടു​മാ​സ​ത്തി​നു​ശേ​ഷം കു​വി വീ​ണ്ടും ഉ​ട​മ​യു​ടെ പ​ക്ക​ൽ മ​ട​ങ്ങി​യെ​ത്തി​യ​പ്പോ​ൾ ഉ​ണ്ടാ​യ സ്നേ​ഹ പ്ര​ക​ട​ന​ങ്ങ​ൾ ക​ണ്ടു​നി​ന്ന​വ​രു​ടെ ക​ണ്ണു​ക​ളും ഈ​റ​ന​ണി​യി​ച്ചു. എ​ട്ടു​മാ​സം ത​ന്നെ പ​രി​ച​രി​ക്കു​ക​യും പ​രി​പാ​ലി​ക്കു​ക​യും ചെ​യ്ത പോ​ലീ​സ് ഉ​ദ്യോ​ഗ​സ്ഥ​രെ വി​ട്ടു​പി​രി​യു​ന്ന​തി​ന്‍റെ വേ​ദ​ന​യി​ലു​മാ​യി​രു​ന്നു കു​വി.

ഹൃ​ദ​യ​ഭേ​ദ​ക​ങ്ങ​ളാ​യ പെ​ട്ടി​മു​ടി​യി​ലെ ദു​ര​ന്ത കാ​ഴ്ച​ക​ൾ​ക്കി​ട​യി​ൽ കു​വി​യെ​ന്ന നാ​യ ത​ന്‍റെ ക​ളി​ക്കൂ​ട്ടു​കാ​രി​യു​ടെ മൃ​ത​ദേ​ഹം ക​ണ്ടെ​ടു​ക്കാ​ൻ സ​ഹാ​യി​ച്ച​തും പി​ന്നീ​ട് ഭ​ക്ഷ​ണം ക​ഴി​ക്കാ​തെ അ​വ​ശ​നി​ല​യി​ലാ​യ നാ​യ​യെ പോ​ലീ​സ് സേ​ന ഏ​റ്റെ​ടു​ത്ത് കൊ​ണ്ടു​പോ​യ​തു​മെ​ല്ലാം ദു​ര​ന്ത​ത്തി​നി​ട​യി​ലെ ന​ൻ​മ​യു​ടെ കാ​ഴ്ച​ക​ളാ​യി​രു​ന്നു.

പെ​ട്ടി​മു​ടി ദു​ര​ന്ത​ത്തി​നു ശേ​ഷ​മു​ള്ള നാ​ലാം​ദി​നം ദേ​ശീ​യ ദു​ര​ന്ത​നി​വാ​ര​ണ സേ​ന​യും നാ​ട്ടു​കാ​രും സ​ന്ന​ദ്ധ പ്ര​വ​ർ​ത്ത​ക​രും കാ​ണാ​താ​യ​വ​ർ​ക്കു വേ​ണ്ടി​യു​ള്ള തെ​ര​ച്ചി​ൽ തു​ട​രു​ന്ന​തി​നി​ടെ​യാ​ണ് ഏ​വ​രു​ടെ​യും ശ്ര​ദ്ധ​യാ​ക​ർ​ഷി​ച്ച് കു​വി നി​ർ​ത്താ​തെ കു​ര​ച്ച​ത്.

നി​ർ​ത്താ​തെ​യു​ള്ള കു​ര​കേ​ട്ട് ഓ​ടി​യെ​ത്തി​യ ര​ക്ഷാ​പ്ര​വ​ർ​ത്ത​ക​രാ​ണ് പു​ഴ​യി​ൽ വീ​ണു​കി​ട​ന്ന മ​ര​ത്തി​ൽ ത​ങ്ങി​യ നി​ല​യി​ൽ ക​ണ്ട ര​ണ്ടു വ​യ​സു​കാ​രി ധ​നു​ഷ്ക​യെ​ന്ന ത​നു​വി​ന്‍റെ മൃ​ത​ദേ​ഹം ക​ണ്ട​ത്.

ധ​നു​ഷ്ക​യോ​ടൊ​പ്പം ക​ളി​ച്ചു​ചി​രി​ച്ചു ന​ട​ന്നി​രു​ന്ന കു​വി​യു​ടെ ദു​ഃഖം മാ​ധ്യ​മ​ങ്ങ​ളി​ലും വാ​ർ​ത്ത​ക​ളി​ലും നി​റ​ഞ്ഞു. ഇ​തോ​ടെ​യാ​ണ് ഇ​ടു​ക്കി ജി​ല്ലാ പോ​ലീ​സ് സേ​ന​യി​ലെ ശ്വാ​ന പ​രി​ശീ​ല​ക​നാ​യ അ​ജി​ത് മാ​ധ​വ​ൻ കു​വി​യെ ഏ​റ്റെ​ടു​ക്കാ​നു​ള്ള ആ​ഗ്ര​ഹം പ്ര​ക​ടി​പ്പി​ച്ച​ത്.

മേ​ലു​ദ്യോ​ഗ​സ്ഥ​രു​ടെ അ​നു​വാ​ദ​ത്തോ​ടെ ഓ​ഗ​സ്റ്റ് 20-ന് ​കു​വി പോ​ലീ​സ് സേ​ന​യോ​ടൊ​പ്പം പെ​ട്ടി​മു​ടി​യി​ലെ മ​ല​യി​റ​ങ്ങു​ക​യാ​യി​രു​ന്നു.

ദു​ര​ന്ത​ത്തി​നു​ശേ​ഷം ഉ​റ്റ​വ​രെ​യെ​ല്ലാം ന​ഷ്ട​പ്പെ​ട്ട വേ​ദ​ന​യി​ൽ ക​ഴി​യു​ന്ന പ​ള​നി​യ​മ്മ​യ്ക്ക് കു​വി​യെ മ​റ​ക്കാ​നാ​വാ​തെ വ​ന്ന​തോ​ടെ പോ​ലീ​സ് സേ​ന​യു​ടെ ഭാ​ഗ​മാ​യ കു​വി​യെ വീ​ണ്ടു​കി​ട്ടു​വാ​ൻ ഡി​ജി​പി​യോ​ട് അ​ഭ്യ​ർ​ഥ​ന ന​ട​ത്തു​ക​യാ​യി​രു​ന്നു.

ഡി​ജി​പി​യു​ടെ നി​ർ​ദേ​ശ​പ്ര​കാ​രം ഇ​ടു​ക്കി പോ​ലീ​സ് നാ​യ പ​രി​ശീ​ല​ന സം​ഘ​ത്തി​ന്‍റെ ഭാ​ഗ​മാ​യ എ​സ്ഐ റോ​യ് തോ​മ​സ്, പ​രി​ശീ​ല​ക​രാ​യ സ​ജി ജോ​ണ്‍, രാ​ജീ​വ്, ജെ​റി ജോ​ണ്‍, ഡ​യ​സ് പി. ​ജോ​സ് എ​ന്നി​വ​ര​ട​ങ്ങു​ന്ന സം​ഘ​മാ​ണ് കു​വി​യെ മൂ​ന്നാ​റി​ലെ​ത്തി​ച്ച​ത്.

മൂ​ന്നാ​ർ ഡി​വൈ​എ​സ്പി ആ​ർ. സു​രേ​ഷ് കു​വി​യെ പ​ള​നി​യ​മ്മ​യ്ക്കു കൈ​മാ​റി. മൂ​ന്നാ​ർ എ​സ്ഐ എം. ​സൂ​ഫി​യും മ​റ്റു​ദ്യോ​ഗ​സ്ഥ​രും സ​ന്നി​ഹി​ത​രാ​യി​രു​ന്നു.