പെരുവ: ഒറ്റ പ്രസവത്തിൽ പഞ്ചാലിക്ക് അഞ്ച് മക്കൾ. പെരുവ തകരക്കണ്ടത്തിൽ ശോഭയുടെ പഞ്ചാലി എന്ന് വിളിക്കുന്ന ആടാണ് രണ്ടാമത്തെ പ്രസവത്തിൽ അഞ്ച് കുഞ്ഞുങ്ങളെ പ്രസവിച്ചത്.
എന്നാൽ പ്രസവം കഴിഞ്ഞ് കുറച്ചു കഴിഞ്ഞപ്പോൾ അഞ്ചിലൊരാൾ ചത്തുപോയി.
ആട് വളർത്തൽ നടത്തുന്ന ശോഭയ്ക്കു ആറ് ആടുകൾ വേറെയുമുണ്ട്. ശോഭ വളർത്തിയ ആട് രണ്ട് വർഷം മുന്പ് പ്രസവിച്ചതാണ് പാഞ്ചാലിയെ. കഴിഞ്ഞ പ്രസവത്തിൽ പാഞ്ചാലിക്ക് രണ്ട് ആട്ടിൻകുട്ടികളായിരുന്നു. ഇപ്പോഴത്തേതിൽ മൂന്ന് പെണ്ണാടും ഒരു മുട്ടനുമാണുള്ളത്.
