തിരുവനന്തപുരം: സെക്രട്ടറിയേറ്റിൽ ജോലിക്കെത്തിയ ശേഷം മുങ്ങുന്ന ഉദ്യോഗസ്ഥരെ പിടിക്കാൻ നടപടിക്ക് നിർദേശം. പഞ്ചിംഗ് കർശനമാക്കാൻ നിർദേശം നൽകി പൊതുഭരണ സെക്രട്ടറി സർക്കുലർ പുറത്തിറങ്ങി. പഞ്ചിംഗ് ചെയ്ത് മുങ്ങുന്നവരെ സിസിടിവി ദൃശ്യങ്ങൾ പരിശോധിച്ച് കണ്ടെത്താനാണ് നിർദേശം.
മുങ്ങുന്നവരെ കണ്ടെത്തിയാൽ കർശന നടപടി സ്വീകരിക്കാനാണ് നീക്കം. പഞ്ചിംഗ് സംവിധാനം ഏർപ്പെടുത്തിയതിനു ശേഷവും സെക്രട്ടറിയേറ്റ് ജീവനക്കാർ അതിവിദഗ്ധമായി മുങ്ങുന്നതായി കണ്ടെത്തിയിരുന്നു. ഇതിനു തടയിടാനാണ് പുതിയ നീക്കം.
