മൃഗശാലയിൽ പാണ്ടകൾ വിഹരിക്കുന്ന കൂടിനുള്ളിൽ അബദ്ധത്തിൽ വീണ എട്ടു വയസുകാരിയെ സാഹസികമായി രക്ഷപെടുത്തുന്നതിന്‍റെ ദൃശ്യങ്ങൾ പുറത്ത്. ചൈനയിലാണ് സംഭവം. മൂന്നു പാണ്ടകളാണ് ഈ കുടിനുള്ളിലുണ്ടായിരുന്നത്.
കൂടിനു സമീപത്തെ സുരക്ഷാ വേലിക്ക് സമീപമുണ്ടായിരുന്നവർ ഒരു കമ്പ് ഉപയോഗിച്ച് കുട്ടിയെ രക്ഷപെടുത്തുവാൻ ശ്രമിച്ചിരുന്നുവെങ്കിലും നിരാശയായിരുന്നു ഫലം. എന്നാൽ പാണ്ടകൾ എല്ലാം കുട്ടിയുടെ സമീപത്തേക്കു നടന്നെത്തിയതോടെ ഭയന്നു പോയ കുട്ടിയെ സുരക്ഷാ ജീവനക്കാരിലൊരാൾ സാഹസികമായി കൈയിൽ പിടിച്ച് മുകളിലേക്ക് വലിച്ച് ഉയർത്തി രക്ഷിക്കുകയായിരുന്നു.
തുടർന്ന് ആശുപത്രിയിൽ പ്രവേശിപ്പിച്ച കുട്ടിക്ക് പരിക്കുകളൊന്നുമില്ലെന്നാണ് റിപ്പോർട്ടുകൾ സൂചിപ്പിക്കുന്നത്.
