ഇങ്ങനെ ജനത്തെ ബുദ്ധിമുട്ടിക്കണോ ? ക​രാറുകാരനും ഉ​പ​ക​രാ​റു​കാ​ര​നും ത​മ്മി​ലു​ള്ള ത​ർ​ക്കം; പന്തളത്തെ പഴയ കമ്യൂണിറ്റി ഹാൾ പൊളിക്കുന്നത് മുടങ്ങി

പ​ന്ത​ളം: പ​ന്ത​ള​ത്തെ പ​ഴ​യ ക​മ്യൂ​ണി​റ്റി ഹാ​ൾ പൊ​ളി​ച്ചു​മാ​റ്റു​ന്ന ജോ​ലി​ക​ൾ പാ​തി​വ​ഴി​യി​ൽ മു​ട​ങ്ങി. ഇ​തു​മൂ​ലം കെ​ട്ടി​ട​ത്തി​ന്‍റെ അ​വ​ശി​ഷ്ട​ങ്ങ​ൾ പ​രി​സ​ര​ത്തെ വ​ഴി​ക​ൾക്ക് അ​പ​ക​ട​ഭീ​ഷ​ണി​യാ​യി. ബ​ല​ക്ഷ​യം ക​ണ്ടെ​ത്തി​യ​തി​നെ തു​ട​ർ​ന്നാ​ണ് പ​ഴ​യ കെ​ട്ടി​ടം പൊ​ളി​ക്കാ​ൻ തീ​രു​മാ​നി​ച്ച​ത്. പൊ​ളി​ച്ചു മാ​റ്റു​ന്ന ജോ​ലി 65,000 രൂ​പ​യ്ക്കാ​ണ് ക​രാ​ർ ന​ല്കി​യ​തെ​ന്ന് ന​ഗ​ര​സ​ഭാ അ​ധി​കൃ​ത​ർ പ​റ​യു​ന്നു. ര​ണ്ട് മാ​സ​ങ്ങ​ൾ​ക്ക് മു​ന്പ് പൊ​ളി​ക്കാ​നു​ള്ള ജോ​ലി തു​ട​ങ്ങി​യെ​ങ്കി​ലും രാ​ത്രി​കാ​ല​ത്ത് മാ​ത്രം ജോ​ലി​ക​ൾ ന​ട​ത്തി​യ​തി​നാ​ൽ വൈ​കി.

ബ​സ്‌‌സ്റ്റാ​ൻ​ഡി​ന് വ​ശ​ത്തെ കെ​ട്ടി​ട​മാ​യ​തി​നാ​ൽ അ​പ​ക​ട​സാ​ധ്യ​ത ക​ണ​ക്കി​ലെ​ടു​ത്താ​ണ് പ​ക​ൽ സ​മ​യ​ത്തെ ജോ​ലി​ക​ൾ ഒ​ഴി​വാ​ക്കി​യ​ത്. മൂ​ന്ന് നി​ല​യു​ടെ ഉ​യ​ര​മു​ള്ള കെ​ട്ടി​ട​ത്തി​ന്‍റെ ചു​മ​രു​ക​ൾ ഇ​തി​ന​കം പൊ​ളി​ച്ചു മാ​റ്റി. കോ​ണ്‍​ക്രീ​റ്റ് ഇ​ള​കി അ​പ​ക​ടാ​വ​സ്ഥ​യി​ലു​ള്ള തൂ​ണു​ക​ളാ​ണ് ഇ​നി​യും ശേ​ഷി​ക്കു​ന്ന​ത്.

പെ​ൻ​ഷ​ൻ വാ​ങ്ങാ​നെ​ത്തു​ന്ന​വ​രു​ടെ സൗ​ക​ര്യ​ത്തി​നാ​യി സ​ബ്ട്ര​ഷ​റി​ക്ക് മു​ന്നി​ൽ സ്ഥാ​പി​ച്ചി​രു​ന്ന അ​ലൂ​മി​നി​യം മേ​ൽ​ക്കൂ​ര അ​പ​ക​ടാ​വ​സ്ഥ പ​രി​ഗ​ണി​ച്ച് പൊ​ളി​ച്ചു മാ​റ്റി​യി​രു​ന്നു. കെ​ട്ടി​ടം പൊ​ളി​ക്ക​ൽ വൈ​കു​ന്ന​തി​നാ​ൽ ഇ​ത് പു​ന​ഃസ്ഥാ​പി​ക്കാ​നാ​യി​ല്ല.

ക​മ്യൂ​ണി​റ്റി ഹാ​ളി​നോ​ട് ചേ​ർ​ന്ന വ്യാ​പാ​ര​കേ​ന്ദ്ര​ത്തി​ന്‍റെ ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന ന​ഗ​ര​സ​ഭാ ലൈ​ബ്ര​റി​യി​ലേ​ക്കു​ള്ള പ​ടി​ക്കെ​ട്ടു​ക​ളി​ൽ കെ​ട്ടി​ടാ​വ​ശി​ഷ്ട​ങ്ങ​ൾ നി​റ​ഞ്ഞ​തോ​ടെ ആ​ർ​ക്കും ലൈ​ബ്ര​റി​യി​ലേ​ക്ക് ക​യ​റാ​നാ​കു​ന്നി​ല്ല. കെ​ട്ടി​ടം പൊ​ളി​ക്കാ​ൻ ക​രാ​റെ​ടു​ത്ത​യാ​ളും ഉ​പ​ക​രാ​റു​കാ​ര​നും ത​മ്മി​ലു​ള്ള ത​ർ​ക്ക​മാ​ണ് പ​ണി​ക​ൾ മു​ട​ങ്ങാ​ൻ കാ​ര​ണ​മെ​ന്ന് ആ​രോ​പ​ണ​മു​ണ്ട്. അ​തേസ​മ​യം, മ​ഴ കാ​ര​ണ​മാ​ണ് ജോ​ലി​ക​ൾ നി​ർ​ത്തി വ​ച്ചി​രി​ക്കു​ന്ന​തെ​ന്നാ​ണ് ചെ​യ​ർ​പേ​ഴ്സ​ണ്‍ റ്റി.​കെ.​സ​തി പ​റ​യു​ന്ന​ത്.