ആ​ത്മ​മി​ത്ര​ങ്ങ​ൾ​ക്ക് ക​ണ്ണീ​രോ​ടെ വി​ട..! അ​ന്ത്യ​വി​ശ്ര​മ​​വും അ​ടു​ത്ത​ടു​ത്ത്; ഇ​രു​വ​രു​ടേ​യും മ​ര​ണം ഉ​ൾ​ക്കൊ​ള്ളാ​നാവാതെ കൂട്ടുകാരികളും അധ്യാപകരും

കൊ​ണ്ടോ​ട്ടി: ക​രി​ങ്ക​ല്ല് ക്വാ​റി​യി​ൽ വെ​ള​ള​ക്കെ​ട്ടി​ൽ മു​ങ്ങി​മ​രി​ച്ച സ​ഹോ​ദ​ര​ങ്ങ​ളു​ടെ മ​ക്ക​ളാ​യ വി​ദ്യാ​ർ​ഥി​നി​ക​ൾ​ക്ക് നാ​ട്് ക​ണ്ണീ​രോ​ട് വി​ട ചൊ​ല്ലി.

ഒ​ള​വ​ട്ടൂ​ർ എ​ച്ച്ഐ​ഒ​എ​ച്ച്എ​സ് സ്കൂ​ളി​ലെ പ​ത്താം​ക്ലാ​സ് വി​ദ്യാ​ർ​ഥി​നി ആ​യി​ഷ റി​ൻ​ഷ (15), ഏ​ഴാം ക്ലാ​സ് വി​ദ്യാ​ർ​ഥി​നി നാ​ജി​യ ഷെ​റി​ൻ(13) എ​ന്നി​വരുടെ മൃ​ത​ദേ​ഹ​ങ്ങ​ളാ​ണ് ഇ​ന്ന​ലെ വ​ൻ​ജ​നാ​വ​ലി​യു​ടെ സാ​ന്നി​ധ്യ​ത്തി​ൽ ആ​ല​ങ്ങാ​ട് ഹ​സ​ൻ ജു​മാ​മ​സ്ജി​ദി​ൽ ക​ബ​റ​ട​ക്കി​യ​ത്.

തി​ങ്ക​ളാ​ഴ്ച രാ​ത്രി​യോ​ടെ പോ​സ്റ്റ്മോ​ർ​ട്ടം ഇ​ൻ​ക്വ​സ്റ്റ് ന​ട​പ​ടി​ക​ൾ പൂ​ർ​ത്തി​യാ​ക്കി​യ മൃ​ത​ദേ​ഹ​ങ്ങ​ൾ മെ​ഡി​ക്ക​ൽ കോ​ള​ജി​ൽ ത​ന്നെ സൂ​ക്ഷി​ച്ചി​രി​ക്കു​ക​യാ​യി​രു​ന്നു. ഇ​ന്ന​ലെ രാ​വി​ലെ ഏ​ഴ് മ​ണി​യോ​ടെ​യാ​ണ് വീ​ട്ടി​ലെ​ത്തി​ച്ച​ത്.

അ​പ​ക​ട വാ​ർ​ത്ത​യ​റി​ഞ്ഞ് ഗ​ൾ​ഫി​ൽ നി​ന്ന് മ​രി​ച്ച ആ​യി​ഷ റി​ൻ​ഷ​യു​ടെ പി​താ​വ് കോ​യ​യും നാ​ജി​യ​യു​ടെ സ​ഹോ​ദ​ര​ൻ മ​ഷ്ഹൂ​ദും ഇ​ന്ന​ലെ പു​ല​ർ​ച്ചെ​യോ​ടെ വീ​ട്ടി​ലെ​ത്തി​യി​രു​ന്നു. മ​ര​ണ വി​വ​രം അ​റി​ഞ്ഞ് സ​ഹ​പാ​ഠി​ക​ളും നാ​ട്ടു​കാ​രും അ​ധ്യാ​പ​ക​രും വീ​ട്ടി​ലേ​ക്ക് ഒ​ഴു​കി.

ആ​ത്മ​മി​ത്ര​ങ്ങ​ളു​ടെ മു​ഖം ക​ണ്ട് പ​ല​രും പൊ​ട്ടി​ക്ക​ര​ഞ്ഞു. സ്കൂ​ളി​ൽ ക്ലാ​സ്സ് മു​റി​ക​ൾ​ക്ക് അ​പ്പു​റ​ത്തേ​ക്ക് വ​ള​ർ​ന്ന സൗ​ഹൃ​ദ​മാ​യി​രു​ന്നു ഇ​​രു​വ​ർ​ക്കും. ആ​യ​തി​നാ​ൽ ത​ന്നെ ഇ​രു​വ​രു​ടേ​യും മ​ര​ണം കൂ​ട്ടു​കാ​രി​ക​ൾ​ക്കും അ​ധ്യാ​പ​ക​ർ​ക്കും ഇ​പ്പോ​ഴും ഉ​ൾ​ക്കൊ​ള്ളാ​നാ​യി​ട്ടി​ല്ല.

സ​ഹോ​ദ​ര​ങ്ങ​ളു​ടെ മ​ക്ക​ളാ​ണെ​ങ്കി​ലും ആ​ത്മ​മി​ത്ര​ങ്ങ​ളാ​യി​രു​ന്നു ഇ​രു​വ​രു​മെ​ന്ന് സ​ഹ​പാ​ഠി​ക​ളും പ​റ​ഞ്ഞു. നേ​ര​ത്തെ പ്ര​വ​ർ​ത്ത​നം നിർത്തിവച്ച​ ക്വാ​റി​യി​ലാ​ണ് ഇ​രു​വ​രും അ​പ​ക​ട​ത്തി​ൽ പെ​ട്ട​ത്. ക്വാ​റി​യി​ൽ നി​ന്ന് വീ​ട്ടി​ലേ​ക്കു​ള​ള പൈ​പ്പ് ന​ന്നാ​ക്കു​വാ​നാ​യി പോ​യ​താ​യി​രു​ന്നു.

ഇ​തി​നി​ട​യി​ലാ​ണ് വെ​ള​ള​ത്തി​ൽ മു​ങ്ങി​യ​ത്. ആ​ത്മ​മി​ത്ര​ങ്ങ​ൾ​ക്ക് കബ​റു​ക​ളും അ​ടു​ത്ത​ടു​ത്താ​ണ് ഒ​രു​ക്കി​യി​രു​ന്ന​ത്. ക​ബ​റ​ട​ക്ക ച​ട​ങ്ങി​ലും പ​ല​ർ​ക്കും ദു​ഖം നി​യ​ന്ത്രി​ക്കാ​നാ​യി​ല്ല. മ​യ്യ​ത്ത് ന​മ​സ്കാ​ര​ത്തി​ന് സ​യ്യി​ദ് മു​ഹ​മ്മ​ദ് തു​റാ​ബ് ത​ങ്ങ​ൾ നേ​തൃ​ത്വം ന​ൽ​കി.

ജി​ല്ലാ​പ​ഞ്ചാ​യ​ത്ത് അം​ഗം സ​റീ​ന ഹ​സീ​ബ്, പു​ളി​ക്ക​ൽ പ​ഞ്ചാ​യ​ത്ത് പ്ര​സി​ഡ​ണ്ട് ഷ​റീ​ന അ​സീ​സ്, പി.​മോ​യു​ട്ടി മൗ​ല​വി, ജി​ല്ലാ വി​ദ്യാ​ഭ്യാ​സ ഉ​പ ഡ​യ​റ​ക്ട​ർ കു​സു​മം, സി​പി​എം ജി​ല്ലാ സെ​ക്ര​ട്ടി ഇ.​എ​ൻ മോ​ഹ​ൻ​ദാ​സ്, ഏ​രി​യാ സെ​ക്ര​ട്ട​റി എ​ൻ.​പ്ര​മോ​ദ് ദാ​സ് തു​ട​ങ്ങി​യ​വ​ർ വീ​ട്ടി​ലെ​ത്തി.