മുംബൈ: പാരീസ് ഒളിന്പിക്സിൽ പങ്കെടുക്കുന്ന ഇന്ത്യൻ കായികതാരങ്ങളുടെ ക്ഷേമത്തിനും ആവശ്യങ്ങൾക്കുമായി ക്രിക്കറ്റ് ബോർഡിന്റെ സാന്പത്തിക സഹായം. ഇന്ത്യൻ ഒളിന്പിക് അസോസിയേഷന് (ഐഒഎ) 8.5 കോടി രൂപ ബിസിസിഐ പ്രഖ്യാപിച്ചു. ബിസിസിഐ സെക്രട്ടറി ജെയ് ഷായാണ് ഇക്കാര്യം പ്രഖ്യാപിച്ചത്.
ഇന്ത്യയെ പ്രതിനിധീകരിച്ച് 117 കായികതാരങ്ങളാണ് പാരീസ് ഒളിന്പിക്സിൽ പങ്കെടുക്കുക. 70 പുരുഷ താരങ്ങളും 47 വനിതകളും ഉൾപ്പെടുന്നതാണ് ഇന്ത്യൻ സംഘം. ഈ മാസം 26നാണ് പാരീസ് ഒളിന്പിക്സ് ഉദ്ഘാടനം.
