കോട്ടയം: ലോക്സഭാ തെരഞ്ഞെടുപ്പിൽ ജനപക്ഷം പാർട്ടി മത്സരിക്കുമെന്ന് പി.സി.ജോർജ് എംഎൽഎ. പത്തനംതിട്ട ലോക്സഭാ മണ്ഡലത്തിൽ സ്ഥാനാർഥിയെ നിർത്തുമെന്ന് പറഞ്ഞ ജോർജ്ജ് കോട്ടയത്ത് പി.ജെ.ജോസഫ് മത്സരിച്ചാൽ പിന്തുണയ്ക്കുമെന്നും കൂട്ടിച്ചേർത്തു.
കഴിഞ്ഞ ലോക്സഭ തെരഞ്ഞെടുപ്പിൽ യുഡിഎഫിന്‍റെ ഭാഗമായിരുന്ന ജോർജ് പക്ഷേ പത്തനംതിട്ടയിൽ ആന്‍റോ ആന്‍റണിയുടെ പ്രചരപരിപാടികളിൽ നിന്ന് വിട്ടുനിന്നിരുന്നു. ആന്‍റോയ്ക്കെതിരെ തെരഞ്ഞെടുപ്പ് ഘട്ടത്തിൽപോലും ശക്തമായ വിമർശനമായിരുന്നു ജോർജ് അന്ന് നടത്തിയിരുന്നത്.
