സ്വ​ർ​ണ​ക്ക​ട​ത്തിൽ പ​ങ്കുപറ്റി പാ​ർ​ട്ടിര​ഹ​സ്യം ചോ​ർ​ത്തി; ഡി​വൈ​എ​ഫ്ഐ നേ​താ​വ് ഷാ​ജ​റി​നെ​തി​രേ സി​പി​എം അ​ന്വേ​ഷ​ണം; ആ​കാ​ശും ഷാ​ജ​റും സം​സാ​രി​ക്കു​ന്ന വാ​ട്സാ​പ് ഓ‍​ഡി​യോ​..

സ്വ​ന്തം ലേ​ഖ​ക​ൻ
ക​ണ്ണൂ​ര്‍: ആ​കാ​ശ് തി​ല്ല​ങ്കേ​രി വി​വാ​ദം ക​ത്തു​ന്ന​തി​നി​ടെ ഡി​വൈ​എ​ഫ്ഐ സം​സ്ഥാ​ന ജോ​യി​ന്‍റ് സെ​ക്ര​ട്ട​റി​യും സി​പി​എം ക​ണ്ണൂ​ർ ജി​ല്ലാ ക​മ്മ​ിറ്റി അം​ഗ​വു​മാ​യ എം. ​ഷാ​ജ​റി​നെ​തി​രേ പാ​ർ​ട്ടിതല അ​ന്വേ​ഷ​ണം.

ക​ണ്ണൂ​രി​ലെ സ്വ​ർ​ണ​ക്ക​ട​ത്ത് സം​ഘ​ങ്ങളി​ൽനി​ന്നു ലാ​ഭ​വി​ഹി​ത​മാ​യി സ്വ​ർ​ണം കൈ​പ്പ​റ്റി, ആ​കാ​ശ് തി​ല്ല​ങ്കേ​രി​യു​മാ​യി അ​ടു​ത്ത​ബ​ന്ധം പു​ല​ർ​ത്തു​ന്നു,

പാ​ർ​ട്ടി ച​ർ​ച്ച​ക​ൾ ആ​കാ​ശി​ന് ചോ​ർ​ത്തി​ക്കൊ​ടു​ക്കു​ന്നു എ​ന്നി​വ ചൂ​ണ്ടി​ക്കാ​ട്ടി ജി​ല്ലാ ക​മ്മ​ിറ്റി​ക്ക് ന​ൽ​കി​യ പ​രാ​തി​യി​ലാ​ണ് അ​ന്വേ​ഷ​ണം. ആ​കാ​ശു​മാ​യി ഷാ​ജ​ർ സം​സാ​രി​ക്കു​ന്ന വാ​ട്സാ​പ് ഓ‍​ഡി​യോ​യു​ടെ പ​ക​ർ​പ്പ് സ​ഹി​ത​മാ​ണ് പ​രാ​തി ന​ൽ​കി​യ​ത്.

ജി​ല്ലാ ക​മ്മ​ിറ്റി​യം​ഗം മ​നു തോ​മ​സ് ന​ൽ​കി​യ പ​രാ​തി​യി​ലാ​ണ് അ​ന്വേ​ഷ​ണം. ഷാ​ജ​ർ ജി​ല്ലാ സെ​ക്ര​ട്ട​റി യാ​യി​രി​ക്കെ ഡി​വൈ​എ​ഫ്ഐ ജി​ല്ലാ പ്ര​സി​ഡ​ന്‍റ് ആ​യി​രു​ന്ന മ​നു തോ​മ​സ്.

ജി​ല്ലാ സെ​ക്ര​ട്ടേറി​യ​റ്റ് അം​ഗം എം. ​സു​രേ​ന്ദ്ര​നാ​ണ് അ​ന്വേ​ഷ​ണച്ചുമ​ത​ല. പ​രാ​തി​ക്കാ​ര​നി​ൽനി​ന്ന് അ​ന്വേ​ഷ​ണ ക​മ്മീ​ഷ​ൻ മൊ​ഴി​യെ​ടു​ത്തു.

ആ​ഭ്യ​ന്ത​ര അ​ന്വേ​ഷ​ണ​മാ​യ​തി​നാ​ൽ പാ​ർ​ട്ടി​യു​ടെ അ​നു​മ​തി​യി​ല്ലാ​തെ ഇ​തേ​ക്കു​റി​ച്ച് പ്ര​തി​ക​രി​ക്കാ​ൻ മ​നു തോ​മ​സ് ത​യാ​റാ​യി​ല്ല.

ആ​കാ​ശി​ന്‍റെ നേതൃത്വത്തിലുള്ള സ്വ​ർ​ണ​ക്ക​ട​ത്ത് ക്വ​ട്ടേ​ഷ​ൻ സം​ഘ​ത്തിനെതിരേ ഡി​വൈ​എ​ഫ്ഐ​യി​ൽ കർശന നിലപാടെ​ടു​ത്ത​യാ​ൾ മ​നു തോ​മ​സാ​യി​രു​ന്നു.

ഇ​തോ​ടെ ആ​കാ​ശും കൂ​ട്ടാ​ളി​ക​ളും മ​നു​വി​നെ​തി​രേ സൈ​ബ​ർ ആ​ക്ര​മ​ണം രൂ​ക്ഷ​മാ​ക്കി. ഇ​തി​ന് പി​ന്നി​ൽ നി​ഴ​ലാ​യിനി​ന്ന​ത് ഈ ​സം​ഘ​ങ്ങ​ളു​മാ​യി അ​ടു​പ്പം പു​ല​ർ​ത്തു​ന്ന ഷാ​ജ​റാ​ണെ​ന്ന് മ​ന​സി​ലാ​യ​തോ​ടെ​യാ​ണ് മ​നു തോ​മസ് ജി​ല്ലാ നേ​തൃ​ത്വ​ത്തി​ന് തെ​ളി​വ​ട​ക്കം പ​രാ​തി ന​ൽ​കി​യ​ത്.

ക​ഴി​ഞ്ഞ വ​ർ​ഷം ആ​ദ്യം നൽകിയ പരാതി ജി​ല്ലാ നേ​തൃ​ത്വം പ​രാ​തി പൂ​ഴ്ത്തി​യെ​ന്നാ​ണ് ആ​രോ​പ​ണം. സം​സ്ഥാ​ന ക​മ്മി​റ്റി അം​ഗീ​ക​രി​ച്ച തെ​റ്റു​തി​രു​ത്ത​ൽ രേ​ഖ സം​ബ​ന്ധി​ച്ച് എം.​വി. ഗോ​വി​ന്ദ​ൻ ഉ​ൾപ്പെടെ പ​ങ്കെ​ടു​ത്ത് ക​ഴി​ഞ്ഞ മാ​സം ന​ട​ത്തി​യ ജി​ല്ലാ ക​മ്മിറ്റി ച​ർ​ച്ച​യി​ൽ മ​നു ഈ ​വി​ഷ​യം വീ​ണ്ടും ഉ​ന്ന​യി​ച്ചു.

അ​തോ​ടെ​യാ​ണ് ഷാ​ജ​റി​നെതി​രാ​യ ഗു​രു​ത​ര ആ​രോ​പ​ണ​ങ്ങ​ൾ അ​ന്വേ​ഷി​ക്കാ​ൻ ജി​ല്ല സെ​ക്ര​ട്ടേറി​യറ്റ് അം​ഗ​മാ​യ എം. ​സു​രേ​ന്ദ്ര​നെ അ​ന്വേ​ഷ​ണ ക​മ്മീ​ഷ​നാ​യി നി​യോ​ഗി​ച്ച​ത്.

ഷാ​ജ​റി​നാ​യി സ്വ​ർ​ണം കൊ​ണ്ടു​വ​രാ​ൻ ചെ​റു​പു​ഴ​യി​ൽ പോ​യ പാ​ർ​ട്ടി ഓ​ഫീ​സ് ഭാ​ര​വാ​ഹി​യി​ൽനി​ന്നും പ​രാ​തി​ക്കാ​ര​നായ മ​നു തോ​മ​സി​ൽനി​ന്നും എം. ​സു​രേ​ന്ദ്ര​ൻ വി​ശ​ദ​മാ​യ മൊ​ഴി രേ​ഖ​പ്പെ​ടു​ത്തി എ​ന്നാ​ണ് സൂ​ച​ന.

​കാ​ശ് തി​ല്ല​ങ്കേ​രി​ക്കെ​തി​രേ ഞ​ങ്ങ​ൾ നി​ല​പാ​ട് വ്യ​ക്ത​മാ​ക്കി​യെ​ന്നും മാ​ധ്യ​മ​ങ്ങ​ൾ ഇ​വി​ടെ ഈ ​വി​ഷ​യം അ​വ​സാ​നി​പ്പി​ച്ചേ​ക്ക​ണം എ​ന്നും താ​ക്കീ​ത് ചെ​യ്താ​യി​രു​ന്നു ക​ഴി​ഞ്ഞ ദി​വ​സം തി​ല്ല​ങ്കേ​രി​യി​ലെ പൊ​തു​യോ​ഗ​ത്തി​ൽ ഡി​വൈ​എ​ഫ്ഐ നേ​താ​വ് എം. ​ഷാ​ജ​റി​ന്‍റെ തീ​പ്പൊ​രി പ്ര​സം​ഗം.