കൊച്ചി: ചലച്ചിത്ര നടി പാര്‍വതി തിരുവോത്തിനെ ശല്യം ചെയ്ത സംഭവത്തില്‍ അറസ്റ്റിലായ യുവാവിനെ ജാമ്യത്തില്‍ വിട്ടു. കൊല്ലം സ്വദേശി അഫ്സലിനെ(34)നെയാണ് മരട് പോലീസ് അറസ്റ്റ് ചെയ്തത്.
2017 ബംഗളൂരുവില്‍ നടന്ന ഒരു ചടങ്ങില്‍ വച്ച് അഫ്‌സല്‍ പാര്‍വതിയെ പരിചയപ്പെട്ടിരുന്നു. അതിനുശേഷം 2020-ല്‍ ബംഗളൂരു, കോഴിക്കോട് എന്നിവിടങ്ങളില്‍ നടിയുടെ താമസ സ്ഥലങ്ങളില്‍ ഭക്ഷണ സാധനങ്ങളുമായെത്തി ഇയാള്‍ ശല്യം ചെയ്യുകയായിരുന്നു.
തുടര്‍ന്ന് കഴിഞ്ഞ മാസം 17-ന് പാര്‍വതിയുടെ കൊച്ചിയിലെ ഫ്‌ളാറ്റിലും ഭക്ഷണ പദാര്‍ഥങ്ങളുമായി എത്തി ശല്യം ചെയ്തു. തുടര്‍ന്നാണ് അവര്‍ മരട് പോലീസില്‍ പരാതി നല്‍കിയത്. അഫ്‌സലിന് ഭാര്യയും രണ്ടു കുട്ടികളുമുണ്ട്.
