മൂവാറ്റുപുഴ: നെടുന്പാശേരി വിമാനത്താവളത്തിലേക്കുള്ള യാത്രയ്ക്കിടെ യുവതിയുടെ പാസ്പോർട്ട് ഉൾപ്പെടെ നിരവധി രേഖകളടങ്ങിയ ബാഗ് നഷ്ടപ്പെട്ടു. രണ്ടാർ വെള്ളായങ്കൽ ബേബിയുടെ മകൾ രേണുവിന്‍റെ ബാഗാണ് നഷ്ടപ്പെട്ടത്. പഠനത്തിനായി ജർമനിയിലേക്കു പോകുകയായിരുന്നു രേണു.
ഇന്നലെ പുലർച്ചെ 3.30ന് കാറിന്‍റെ ഡിക്കിയിൽ ബാഗ് വച്ചാണു വിമാനത്താവളത്തിലേക്കു പുറപ്പെട്ടത്. 4.30ഓടെ വാഹനം വിമാനത്താവളത്തിലെത്തിയപ്പോൾ ഡിക്കി തുറന്ന നിലയിലായിരുന്നു. തുടർന്നു പരിശോധന നടത്തിയെങ്കിലും ബാഗ് കണ്ടെത്താനായില്ല. പാസ്പോർട്ടിനു പുറമെ ഐഡി കാർഡ്, പാൻ കാർഡ്, പണം, മറ്റു രേഖകൾ തുടങ്ങിയവയും ബാഗിലുണ്ടായിരുന്നു.
മൂവാറ്റുപുഴയ്ക്കും നെടുന്പാശേരിക്കും ഇടയിലാണു ബാഗ് നഷ്ടപ്പെട്ടത്. രേഖകൾ നഷ്ടപ്പെട്ടതിനാൽ യുവതിയുടെ ജർമനി യാത്ര മുടങ്ങി. തുടർപഠനവും പ്രതിസന്ധിയിലായിരിക്കുകയാണ്. പോലീസിൽ പരാതി നൽകിയിട്ടുണ്ട്. എന്തെങ്കിലും വിവരങ്ങൾ ബന്ധപ്പെടുക. ഫോണ്: 9447004761, 9447909244.
