കൂ​റു​മാ​റി​യ​വ​ർ രാ​ജി​വ​യ്ക്ക​ണ​മെ​ന്ന് മു​ഖ്യ​മ​ന്ത്രി; പ്ര​സ്താ​വ​ന പ​ത്ത​നം​തി​ട്ട​യി​ലെ സി​പി​എം നി​ല​പാ​ടി​നു വി​രു​ദ്ധം

പ​ത്ത​നം​തി​ട്ട: കൂ​ത്താ​ട്ടു​കു​ളം ന​ഗ​ര​സ​ഭ​യി​ൽ കൂ​റു​മാ​റി​യ സി​പി​എം അം​ഗ​ത്തെ ത​ട്ടി​ക്കൊ​ണ്ടു​പോ​യ സം​ഭ​വ​വു​മാ​യി ബ​ന്ധ​പ്പെ​ട്ടു നി​യ​മ​സ​ഭ​യി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന​ട​ത്തി​യ പ്ര​സ്താ​വ​ന പ​ത്ത​നം​തി​ട്ട​യി​ലെ സി​പി​എം നി​ല​പാ​ടി​നു വി​രു​ദ്ധം. പ​ത്ത​നം​തി​ട്ട ജി​ല്ല​യി​ലെ ഒ​ട്ട​ന​വ​ധി ത​ദ്ദേ​ശ​സ്ഥാ​പ​ന​ങ്ങ​ളി​ൽ ഭ​ര​ണം പി​ടി​ക്കാ​ൻ കൂ​റു​മാ​റ്റ​ത്തെ പ്രോ​ത്സാ​ഹി​പ്പി​ച്ച ച​രി​ത്ര​മാ​ണ് സി​പി​എ​മ്മി​നു​ള്ള​ത്. കൂ​റു​മാ​റി​യ​വ​രി​ൽ പ​ല​രും കൂ​റു​മാ​റ്റ നി​രോ​ധ​ന നി​യ​മ​ത്തി​ൽ പെ​ട്ട് അ​യോ​ഗ്യ​രാ​കു​ക​യും ചെ​യ്തു.

ക​ഴി​ഞ്ഞ ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പി​നു​ശേ​ഷം കോ​യി​പ്രം, കോ​ന്നി ബ്ലോ​ക്ക് പ​ഞ്ചാ​യ​ത്തു​ക​ളി​ൽ യു​ഡി​എ​ഫി​നു​ണ്ടാ​യി​രു​ന്ന ഭ​ര​ണം അ​ട്ടി​മ​റി​ച്ച​ത് മ​റു​ചേ​രി​യി​ൽ നി​ന്നു​ള്ള​വ​രെ സ്വീ​ക​രി​ച്ച് എ​ൽ​ഡി​എ​ഫ് പി​ന്തു​ണ ന​ൽ​കി​യ​തി​ലൂ​ടെ​യാ​ണ്. കോ​യി​പ്ര​ത്ത് കോ​ൺ​ഗ്ര​സ് നേ​താ​വാ​യി​രു​ന്ന ഉ​ണ്ണി പ്ലാ​ച്ചേ​രി​യെ മ​റു​ക​ണ്ടം ചാ​ടി​ച്ച് എ​ൽ​ഡി​എ​ഫ് പി​ന്തു​ണ​യി​ൽ വൈ​സ് പ്ര​സി​ഡ​ന്‍റാ​ക്കി.

ഇ​തേ ബ്ലോ​ക്ക് പ​ഞ്ചാ​യ​ത്തി​ൽ ഒ​രു കേ​ര​ള കോ​ൺ​ഗ്ര​സ് അം​ഗ​ത്തെ​യും മ​റു​ചേ​രി​യി​ൽ എ​ത്തി​ച്ചു.കോ​ന്നി ബ്ലോ​ക്ക് പ​ഞ്ചാ​യ​ത്തി​ലെ യു​ഡി​എ​ഫ് ഭ​ര​ണം അ​ട്ടി​മ​റി​ക്കാ​ൻ കോ​ൺ​ഗ്ര​സ് വ​നി​താ അം​ഗ​ത്തെ മ​റു​ക​ണ്ടം ചാ​ടി​ച്ചു. അ​വി​ശ്വാ​സ​ത്തി​ലൂ​ടെ യു​ഡി​എ​ഫി​നെ അ​ട്ടി​മ​റി​ച്ച് കൂ​റു​മാ​റി​യെ​ത്തി​യ അം​ഗ​ത്തെ പ്ര​സി​ഡ​ന്‍റാ​ക്കി​യെ​ങ്കി​ലും ഭ​ര​ണം അ​ധി​ക​കാ​ലം മു​ന്നോ​ട്ടു​പോ​യി​ല്ല. കൂ​റു​മാ​റ്റ​ത്തി​നെ​തി​രേ യു​ഡി​എ​ഫ് ന​ട​ത്തി​യ നി​യ​മ​യു​ദ്ധ​ത്തി​നൊ​ടു​വി​ൽ ഭ​ര​ണം താ​ഴെ​യി​റ​ങ്ങി.

കൂ​റു​മാ​റി​യ അം​ഗം ജി​ജി സ​ജി അ​യോ​ഗ്യ​യാ​ക്ക​പ്പെ​ടു​ക​യും ഇ​തേ സീ​റ്റി​ൽ ന​ട​ന്ന ഉ​പ​തെ​ര​ഞ്ഞെ​ടു​പ്പി​ൽ യു​ഡി​എ​ഫ് വീ​ണ്ടും വി​ജ​യി​ക്കു​ക​യും ചെ​യ്ത​തോ​ടെ ഭ​ര​ണം തി​രി​കെ പി​ടി​ക്കാ​നു​മാ​യി.തി​രു​വ​ല്ല ന​ഗ​ര​സ​ഭ​യാ​ണ് കൂ​റു​മാ​റ്റ​ത്തി​ന്‍റെ മ​റ്റൊ​രു സി​രാ​കേ​ന്ദ്ര​മാ​യി മാ​റി​യ​ത്. യു​ഡി​എ​ഫ് അം​ഗ​ത്തെ കൂ​ട്ടു​പി​ടി​ച്ച് ഇ​ട​ക്കാ​ല​ത്ത് എ​ൽ​ഡി​എ​ഫ് ഭ​ര​ണം ന​ട​ത്തി. പി​ന്നീ​ട് ഇ​തേ അം​ഗം മ​റു​പ​ക്ഷ​ത്തെ​ത്തി.

യു​ഡി​എ​ഫി​നു ത​ന്നെ ഭ​ര​ണം വീ​ണ്ടും ല​ഭി​ച്ചെ​ങ്കി​ലും ഉ​പാ​ധ്യ​ക്ഷ സ്ഥാ​ന​ത്തേ​ക്കു ക​ഴി​ഞ്ഞ​യി​ടെ ന​ട​ന്ന തെ​ര​ഞ്ഞെ​ടു​പ്പി​ൽ എ​ൽ​ഡി​എ​ഫ് നേ​ട്ട​മു​ണ്ടാ​ക്കി​യ​ത് ഭ​ര​ണ​പ​ക്ഷ​ത്തെ വി​ള്ള​ൽ മു​ത​ലെ​ടു​ത്താ​ണ്. പാ​ർ​ട്ടി വി​പ്പ് ലം​ഘി​ച്ച​വ​രി​ൽ സി​പി​എം അം​ഗ​ങ്ങ​ളു​മു​ണ്ട്. തോ​ട്ട​പ്പു​ഴ​ശേ​രി ഗ്രാ​മ​പ​ഞ്ചാ​യ​ത്തി​ൽ ക​ഴി​ഞ്ഞ​യി​ടെ ന​ട​ന്ന അ​വി​ശ്വാ​സ പ്ര​മേ​യ ച​ർ​ച്ച​യി​ലും പി​ന്നീ​ട് പ്ര​സി​ഡ​ന്‍റ്, വൈ​സ് പ്ര​സി​ഡ​ന്‍റ് തെ​ര​ഞ്ഞെ​ടു​പ്പു​ക​ളി​ലും സി​പി​എം ന​ൽ​കി​യ വി​പ്പ് അം​ഗ​ങ്ങ​ൾ പ​ര​സ്യ​മാ​യി ലം​ഘി​ച്ചു.

ചി​റ്റാ​ർ ഗ്രാ​മ​പ​ഞ്ചാ​യ​ത്തി​ൽ ഭ​ര​ണം പി​ടി​ച്ചെ​ടു​ക്കാ​ൻ കോ​ൺ​ഗ്ര​സ് അം​ഗ​ത്തി​നു പി​ന്തു​ണ ന​ൽ​കി​യ​ത് ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പിനു പി​ന്നാ​ലെ​യാ​ണ്. ഇ​തേ അം​ഗ​ത്തെ കോ​ൺ​ഗ്ര​സു​കാ​ർ ന​ൽ​കി​യ പ​രാ​തി​യി​ലൂ​ടെ തെ​ര​ഞ്ഞെ​ടു​പ്പ് ക​മ്മീ​ഷ​ൻ അ​യോ​ഗ്യ​നാ​ക്കി​യ​പ്പോ​ൾ ഭ​ര​ണ​വും ന​ഷ്ട​മാ​യി.

റാ​ന്നി ഗ്രാ​മ​പ​ഞ്ചാ​യ​ത്തി​ൽ ക​ഴി​ഞ്ഞ നാ​ലു​വ​ർ​ഷ​ത്തി​നി​ടെ​യു​ണ്ടാ​യ രാ​ഷ്്ട്രീയ മാ​റ്റ​ങ്ങ​ളി​ലും എ​ൽ​ഡി​എ​ഫ് നി​റം മ​റ്റൊ​ന്നാ​യി​രു​ന്നു. ആ​ദ്യം പ്ര​സി​ഡ​ന്‍റാ​യ കേ​ര​ള കോ​ൺ​ഗ്ര​സ് അം​ഗ​ത്തെ ബി​ജെ​പി പി​ന്തു​ണ​ച്ചി​രു​ന്നു. പി​ന്നീ​ട് ഭ​ര​ണം ഉ​റ​പ്പി​ക്കാ​ൻ അ​വ​രെ രാ​ജി​വ​യ്പി​ച്ചെ​ങ്കി​ലും യു​ഡി​എ​ഫ് പ​ക്ഷ​ത്താ​യി​രു​ന്ന സ്വ​ത​ന്ത്രാം​ഗ​ത്തെ പി​ന്തു​ണ​ച്ചു. പി​ന്നാ​ലെ ഒ​രു കേ​ര​ള കോ​ൺ​ഗ്ര​സ് പ്ര​തി​നി​ധി​യെ​യും ഒ​പ്പം കൂ​ട്ടി. കോ​ഴ​ഞ്ചേ​രി ഗ്രാ​മ​പ​ഞ്ചാ​യ​ത്തി​ൽ യു​ഡി​എ​ഫ് പ​ക്ഷ​ത്താ​യി​രു​ന്ന കേ​ര​ള കോ​ൺ​ഗ്ര​സ് അം​ഗ​ത്തെ​യാ​ണ് പ്ര​സി​ഡ​ന്‍റ് സ്ഥാ​ന​ത്ത് ഇ​പ്പോ​ൾ എ​ൽ​ഡി​എ​ഫ് പി​ന്തു​ണ​ച്ചി​രി​ക്കു​ന്ന​ത്.