പ്ര​കൃ​തി​സൗ​ന്ദ​ര്യം ആ​സ്വ​ദി​ക്കാ​ൻ സഞ്ചാരികളുടെ തിരക്ക്;   അധികൃതരുടെ അനാസ്ഥയിൽ പത്താഴക്കുണ്ട് ഡാം  അവഗണനയുടെ കുണ്ടിൽ ​

അ​ത്താ​ണി: ഇ​തു പ​ത്താ​ഴ​ക്കു​ണ്ട് ഡാം. ​പ്ര​കൃ​തി​സൗ​ന്ദ​ര്യം ആ​സ്വ​ദി​ക്കാ​നെ​ത്തു​ന്ന​വ​രു​ടെ എ​ണ്ണം കൂ​ടി​വ​രു​ന്നു​ണ്ടെ​ങ്കി​ലും അ​ധി​കൃ​ത​രു​ടെ ശ്ര​ദ്ധ​ക്കു​റ​വ് ഡാ​മി​നെ പ​രി​മി​തി​ക​ളി​ലേ​ക്കു ത​ള്ളി​യി​ടു​ക​യാ​ണ്. വ​ട​ക്കാ​ഞ്ചേ​രി- അ​ത്താ​ണി റോ​ഡി​ൽ നി​ന്നും അ​ഞ്ച് കീ​ലോ​മീ​റ്റ​ർ ദൂ​ര​ത്തു​ള്ള പ​ത്താ​ഴ​ക്കു​ണ്ട് ഡാ​മി​ലെ ചോ​ർ​ച്ച​യും പാ​ല​ത്തി​ലെ ഗ​ർ​ത്ത​ങ്ങ​ളു​മാ​ണ് ഇ​പ്പോ​ൾ പ്ര​തി​ഷേ​ധ​ത്തി​നു കാ​ര​ണ​മാ​യി​രി​ക്കു​ന്ന​ത്.

പൂ​മ​ല ഡാം ​ആ​ണെ​ന്ന് ക​രു​തി​യാ​ണ് പ​ല​രും പ​ത്താ​ഴ​ക്കു​ണ്ട് ഡാ​മി​ൽ എ​ത്തു​ന്ന​ത്. പൂ​ർ​ണ്ണ​മാ​യും ജ​ല​സേ​ച​ന​മാ​ണ് ഈ ​ഡാ​മി​ലൂ​ടെ അ​ധി​കൃ​ത​ർ ല​ക്ഷ്യ​മി​ടു​ന്ന​തെ​ങ്കി​ലും, ഡാ​മി​ലെ ചോ​ർ​ച്ച പ​രി​ഹ​രി​ക്കാ​നാ​കാ​ത്ത​തി​നാ​ൽ പ​ദ്ധ​തി നാ​ശ​ത്തി​ന്‍റെ വ​ക്കി​ലാ​ണ്. കാ​ടു​പി​ടി​ച്ചു കി​ട​ക്കു​ന്ന ഒ​രു വ​ലി​യ കെ​ട്ടും അ​തി​നി​പ്പു​റ​ത്തെ വ​ന്പ​ൻ റി​സ​ർ​വോ​യ​റു​മാ​ണ് ഇ​വി​ടെ​യു​ള്ള​ത്. നി​ര​വ​ധി കു​ടും​ബ​ങ്ങ​ളും ഡാ​മി​ന്‍റെ സ​മീ​പ​ത്ത് താ​മ​സി​ച്ചു​വ​രു​ന്നു. ഇ​തി​ന്‍റെ അ​ടു​ത്താ​ണ് കു​റ​ഞ്ചേ​രി മ​ല​നി​ര​ക​ൾ. ക​ഴി​ഞ്ഞ വ​ർ​ഷം ഇ​വി​ടെ മ​ല​യി​ടി​ഞ്ഞ് പ​ത്തു​പേ​ർ മ​രി​ച്ചി​രു​ന്നു.

പൊ​തു​വെ വേ​ന​ൽ​ക്കാ​ല​ത്ത് വ​റ്റി​വ​ര​ണ്ടു കി​ട​ക്കാ​റു​ള്ള ഡാ​മി​ൽ മ​ഴ​ക്കാ​ല​മാ​യി​ട്ടും വെ​ള്ള​മി​ല്ല. ഡാ​മി​ലെ ചോ​ർ​ച്ച​യാ​ണ് പ്ര​ധാ​ന കാ​ര​ണം. ഡാം ​ന​വീ​ക​ര​ണ​ത്തി​നാ​യി ക​ഴി​ഞ്ഞ വ​ർ​ഷം മൂ​ന്നു​കോ​ടി രൂ​പ​യാ​ണ് അ​നു​വ​ദി​ച്ച​തെ​ങ്കി​ലും ചോ​ർ​ച്ച ഇ​തു​വ​രെ പ​രി​ഹ​രി​ച്ചി​ട്ടി​ല്ല. പൂ​മ​ല ഡാ​മി​ൽ നി​ന്ന് മൂ​ന്നു കി​ലോ​മീ​റ്റ​ർ യാ​ത്ര​ചെ​യ്താ​ൽ പ​ത്താ​ഴ​ക്കു​ണ്ട് ഡാ​മി​ലെ​ത്താം.

മു​ള​ങ്കു​ന്ന​ത്തു​കാ​വ്, മു​ണ്ട​ത്തി​ക്കോ​ട്, തെ​ക്കും​ക​ര, വ​ട​ക്കാ​ഞ്ചേ​രി പ​ഞ്ചാ​യ​ത്തു​ക​ളി​ലെ വ​ലി​യൊ​രു ഭൂ​പ്ര​ദേ​ശ​ത്തെ കൃ​ഷി, കു​ടി​വെ​ള്ളം ആ​വ​ശ്യ​ത്തി​നു പൂ​ർ​ണ​മാ​യും ആ​ശ്ര​യി​ക്കു​ന്ന​ത് 40 വ​ർ​ഷ​ത്തെ പ​ഴ​ക്ക​മു​ള്ള ഈ ​ഡാ​മി​നെ​യാ​ണ്. മ​ണ്ണ് കൊ​ണ്ട് നി​ർ​മി​ച്ച ഡാ​മി​ന്‍റെ അ​റ്റ​കു​റ്റ പ​ണി​ക​ൾ​ക്ക് വേ​ണ്ടി ഇ​തി​ന​കം ചെ​ല​വ​ഴി​ച്ച കോ​ടി​ക​ൾ വേ​ണ്ട​രീ​തി​യി​ൽ ഉ​പ​യോ​ഗി​ച്ചി​രു​ന്നെ​ങ്കി​ൽ പു​തി​യ ഒ​രു ഡാം ​ത​ന്നെ പ​ണി​യ​ൻ ക​ഴി​യു​മാ​യി​രു​ന്നെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

തൃ​ശൂ​ർ ഗ​വ. മെ​ഡി​ക്ക​ൽ കോ​ള​ജി​ലെ കു​ടി​വെ​ള്ള ക്ഷാ​മം പ​രി​ഹ​രി​ക്കാ​ൻ ഇ​വി​ടെ നി​ന്നും വെ​ള്ളം എ​ത്തി​ക്കാ​നു​ള്ള ന​ട​പ​ടി​ക​ൾ ആ​ലോ​ചി​ച്ചി​രു​ന്നു​വെ​ങ്കി​ലും ഡാ​മി​ന്‍റെ ഇ​പ്പോ​ഴ​ത്തെ ചോ​ർ​ച്ച പ​ദ്ധ​തി പി​ൻ​വ​ലി​ക്കാ​നാ​ണ് സാ​ധ്യ​ത.ഡാം ​സേ​ഫ്റ്റി ക​മ്മി​ഷ​ന്‍റെ​യും വി​ദ​ഗ്ധ സ​മി​തി​യു​ടെ​യും പ​ഠ​ന റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ നാ​ലു വ​ർ​ഷ​മാ​യി ഡാ​മി​ൽ അ​റ്റ​കു​റ്റ​പ്പ​ണി​ക​ൾ തു​ട​രു​ന്നു​ണ്ടെ​ങ്കി​ലും, ന​വി​ക​ര​ണ പ്ര​വ​ർ​ത്തി​ക​ൾ ഇ​തു വ​രെ പൂ​ർ​ത്തി​യാ​ക്കാ​നാ​യി​ട്ടി​ല്ല.

ഡാ​മി​ന്‍റെ മു​ക​ളി​ലു​ള​ള റോ​ഡ് ത​ക​ർ​ന്ന് സ​ഞ്ചാ​ര യോ​ഗ്യ​മ​ല്ല​ത​യി​രി​ക്കു​ക​യാ​ണ് പൂ​മ​ല ഭാ​ഗ​ത്തു​നി​ന്നും തെ​ക്കും​ക്ക​ര, വ​ട​ക്കാ​ഞ്ചേ​രി, കു​റ​ഞ്ചേ​രി ഭാ​ഗ​ത്തേ​യ്ക്കു​ള്ള ഈ ​റോ​ഡി​ലൂ​ടെ യാ​ത്ര ദു​രി​ത​പൂ​ർ​ണ​മാ​ണെ​ന്നു നാ​ട്ടു​കാ​ർ ആ​രോ​പി​ക്കു​ന്നു. മ​ഴ ക​ന​ത്താ​ൽ സ​ഞ്ചാ​രി​ക​ളു​ടെ വ​ര​വ് വ​ർ​ധി​ക്കും. പ​ക്ഷെ ന​ല്ലൊ​രു റോ​ഡി​ല്ലാ​ത്ത സാ​ഹ​ച​ര്യം പ​ത്താ​ഴ​ക്കു​ണ്ടി​ന്‍റെ ഭം​ഗി ആ​സ്വ​ദി​ക്കാ​ൻ എ​ത്തു​ന്ന​വ​ർ​ക്കു ദു​രി​ത​മാ​യി​രി​ക്കു​മെ​ന്നും നാ​ട്ടു​കാ​ർ പ​റ​യു​ന്നു.