ചാലക്കുടി: ബൈക്കും മിനി ലോറിയും കൂട്ടിയിടിച്ചുണ്ടായ അപകടത്തിൽ വൈദികൻ മരിച്ചു. ഇരിങ്ങാലക്കൂട രൂപതയിലെ സീനിയർ വൈദികനും, വെള്ളിക്കുളങ്ങര പ്രസന്‍റേഷൻ എഫ്.സി. കോൺവെന്‍റ് കപ്ലോനുമായ ഫാ. പോൾ മംഗലൻ (63) ആണ് മരിച്ചത്. സൗത്ത് മാരാകോട് റോഡിൽ ഇന്നു രാവിലെ 11.30നായിരുന്നു അപകടം. ഉടനെ സെന്‍റ് ജെയിംസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
1982 ൽ ആണ് തിരിപ്പട്ടം സ്വീകരിച്ചത്. കൊടകര ഇടവകയിലെ മംഗലൻ കുഞ്ഞിപ്പൈലൻ -കുഞ്ഞേല്യ ദന്പതികളുടെ മകനാണ് ഫാ. പോൾ മംഗലൻ. മൃതദേഹം സെന്‍റ് ജെയിംസ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംസ്കാര ശുശ്രൂഷകൾ പിന്നീട് തീരുമാനിക്കും. ു
