കോട്ടയം: ജന്മമെടുത്ത് 60 വര്‍ഷം കഴിയുമ്പോള്‍ കേരള കോണ്‍ഗ്രസ് അടിസ്ഥാന തത്വങ്ങളില്‍നിന്നു വ്യതിചലിച്ചിരിക്കുന്ന സാഹചര്യത്തില്‍ കേരള കോണ്‍ഗ്രസുകള്‍ പിരിച്ചുവിടണമെന്ന് കേരള ജനപക്ഷം ചെയര്‍മാന്‍ പി.സി. ജോര്‍ജ്.
കേരള കോണ്‍ഗ്രസ് അടിസ്ഥാന ലക്ഷ്യങ്ങളില്‍നിന്നു പിന്‍തിരിഞ്ഞു. ഒറ്റയ്ക്ക് 25സീറ്റ് നേടിയ കേരള കോണ്‍ഗ്രസിന് ഇപ്പോള്‍ എല്ലാ ഗ്രൂപ്പിനും ചേര്‍ന്ന് ഒമ്പത് സീറ്റായി ചുരുങ്ങി.
കേന്ദ്രത്തില്‍ വീണ്ടും നരേന്ദ്രമോദി അധികാരത്തില്‍ വരുമെന്നും ജോര്‍ജ് പറഞ്ഞു.സഹകരണ പ്രസ്ഥാനം രാഷ്ട്രീയാതി പ്രസരവും അഴിമതിയും മൂലം തകര്‍ന്നടിഞ്ഞുവെന്നും പി.സി. ജോര്‍ജ് പറഞ്ഞു.
