അതിരപ്പിള്ളി: യുഡിഎഫ് അതിരപ്പിള്ളി മണ്ഡലം തെരഞ്ഞെടുപ്പ് കണ്‍വൻഷൻ പി.ടി.തോമസ് എംഎൽഎ ഉദ്ഘാടനം ചെയ്തു. മലയാളത്തിന്‍റെ മഹാനടി അപമാനിക്കപ്പെട്ടപ്പോൾ വേട്ടക്കാർക്കൊപ്പം കൂടി വനിതകളെ അപമാനിച്ചവരെ തിരിച്ചറിയണമെന്നും അദ്ദേ ഹം ഓർമപ്പെടുത്തി.
സർക്കാർ സമ്മാനിച്ച മഹാപ്രളയത്തിൽ മനുഷ്യായു സുകൊണ്ട് സന്പാദിച്ചെതെല്ലാം തകർന്നടിഞ്ഞപ്പോൾ നമ്മുടെ നേരെ തിരിഞ്ഞ് നോക്കാത്തവർ ഏത് സിൽക്കണിഞ്ഞ് വന്നാലും ഇവിടെ രക്ഷപ്പെടില്ല. കേരളത്തിലെ അക്രമ രാഷ്ട്രീയത്തിനെതിരെയുളള വിധിയെഴുത്താകും തെരഞ്ഞെടുപ്പ് – അദ്ദേഹം കൂട്ടി ച്ചേർത്തു.
മണ്ഡലം പ്രസിഡന്‍റ് മുരളി ചക്കന്തറ അധ്യക്ഷത വഹിച്ചു. വി.ഒ. പൈലപ്പൻ, ടി.എ. ആന്‍റോ, പി.കെ. ജേക്കബ്, ജെയിംസ് പോൾ, അഡ്വ. സി.ജി ബാലചന്ദ്രൻ, ഒ.എസ്. ചന്ദ്രൻ, ബ്ലോക്ക് കോണ്ഗ്രസ് പ്രസിഡന്‍റുമാരായ ബിജു പി. കാവുങ്ങൽ, എബി ജോർജ്, മണികണ്ഠദാസ്, ഷോണ് പല്ലിശേരി, എം.ഡി. വർഗീസ്, അഡ്വ. അരുണ്‍, ഡെന്നീസ് കെ. ആന്‍റ ണി, എം.എം. അനിൽകുമാർ, ദിലിക് ദിവാകരൻ എന്നിവർ പ്രസം ഗിച്ചു.
