കൂട്ടിൽ കയറി മുട്ട എടുത്ത യുവതികൾക്കു മയിൽ മുട്ടൻ പണിതന്നെ തിരിച്ചുകൊടുത്തു. അപൂർവങ്ങളിൽ അപൂർവമായ ഇതിന്‍റെ വീഡിയോ വൈറലാകുകയും ചെയ്തു.
മരത്തിന്‍റെ മുകളിലെ കൂട്ടില്‍നിന്നു മുട്ടയെടുക്കാനായി ഒരു സ്ത്രീ കയറുന്നു. ഒരാള്‍ താഴെ സഹായത്തിനായി നില്‍ക്കുന്നു. മുട്ടയെടുത്തശേഷം മരത്തിന്‍റെ പാതിയിറങ്ങിയ യുവതി, താഴെ നില്‍ക്കുന്നയാള്‍ക്കു മുട്ട കൈമാറുന്നു.
അപ്പോഴാണ് കിടിലൻ ട്വിസ്റ്റ്. അപകടമറിഞ്ഞ മയില്‍ മരത്തിലേക്കു പറന്നെത്തുന്നു. മുട്ട എടുത്ത സ്ത്രീയെ കഠിനമായി ആക്രമിക്കുന്നു.
തുടര്‍ന്ന് താഴെ നില്‍ക്കുന്ന യുവതിയുടെ ദേഹത്തേക്കു മയില്‍ പറന്നുവീഴുന്നു.
മയില്‍ ശരീരത്തിലേക്കു വീണ ശക്തിയില്‍ യുവതി നിലത്തുവീഴുന്നു. സോഷ്യല്‍ മീഡിയയില്‍ പ്രചരിക്കുന്ന പത്തു സെക്കന്‍ഡ് ദൈര്‍ഘ്യമുള്ള വീഡിയോയിലാണ് ഈ ദൃശ്യങ്ങൾ.
നിരവധി പ്രതികരണങ്ങളാണ് വീഡിയോയ്ക്കു ലഭിക്കുന്നത്. തന്‍റെ കൂട്ടില്‍ കയറി മുട്ട എടുത്ത വനിതകള്‍ക്കു കിടിലന്‍ പണിതന്നെ ദേശീയപക്ഷി കൊടുത്തതായി കമന്‍റുകളിലുണ്ട്.
