മാനന്തവാടി: പോലീസ് സ്റ്റേഷൻ പരിധിയിലെ കോളജ് വിദ്യാർഥിനിയെ ഓട്ടോറിക്ഷ യാത്രക്കിടയിൽ അപമാനിക്കാൻ ശ്രമിച്ച മധ്യവയസ്കനെതിരെ മാനന്തവാടി പോലീസ് കേസെടുത്തു. വെള്ളമുണ്ട എട്ടേനാൽ അലുവ അലിക്കെതിരെയാണ് കേസെടുത്തത്.
കോളജ് വിട്ട് വീട്ടിലേക്ക് പോകുകയായിരുന്ന വിദ്യാർഥിനിയെ പരിചയക്കാരനായ ഇയാൾ ഓട്ടോയിൽ കയറ്റി. യാത്രാമധ്യേ മോശമായി പെരുമാറിയെന്നുമാണ് പരാതി. എന്നാൽ ഓട്ടോ ഡ്രൈവർ ഇക്കാര്യം ശ്രദ്ധിച്ചിരുന്നില്ല. ഓട്ടോറിക്ഷയിൽ നിന്നും വിദ്യാർഥിനി ചാടിരക്ഷപ്പെടുകയായിരുന്നുവെന്നും പരാതിയിൽ പറയുന്നു.
പ്രതിക്കെതിരെ സ്ത്രീതത്വത്തെ അപമാനിച്ചതിനും തട്ടിക്കൊണ്ടുപോകാൻ ശ്രമിച്ചതിനുമാണ് കേസെടുത്തിരിക്കുന്നത്. സംഭവത്തിന് ശേഷം പ്രതി ഒളിവിലാണ്.
