നെടുങ്കണ്ടം: പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച് ഗർഭിണിയാക്കിയ ബന്ധുവിനെ നെടുങ്കണ്ടം പോലീസ് അറസ്റ്റ് ചെയ്തു. മഞ്ഞപ്പെട്ടി എട്ടുമുക്കിൽ തൊഴിലാളിയായ മണിമല കോത്തലപ്പള്ളി കൈതപ്പാറക്കുഴിയിൽ പ്രിൻസ്(27) ആണ് അറസ്റ്റിലായത്.
പ്ലസ് വണ്‍ വിദ്യാർഥിനിയായിരുന്ന പെണ്‍കുട്ടി ഏപ്രിൽ ഏഴിന് വീട്ടിൽ പ്രസവിക്കുകയായിരുന്നു. ഇതിനു രണ്ടുദിവസം മുന്പാണ് ബന്ധുക്കൾ പെണ്‍കുട്ടി ഗർഭിണി ആയിരുന്നെന്ന വിവരം അറിയുന്നത്.
തടിപ്പണിക്കാരനായ ഇയാൾ ഭാര്യയുടെ വീട്ടിലായിരുന്നു താമസിച്ച് ജോലിചെയ്തിരുന്നത്. പോലീസിന് ലഭിച്ച വിവരത്തിന്‍റെ അടിസ്ഥാനത്തിൽ നടത്തിയ അന്വേഷണത്തിൽ പ്രതിയെ അറസ്റ്റ് ചെയ്യുകയായിരുന്നു. പ്രതിയെ ഇന്ന് കോടതിയിൽ ഹാജരാക്കും.
