പരിയാരം: ഓടിക്കൊണ്ടിരിക്കുന്ന ബസില്‍ വെച്ച് 17 കാരനെ ലൈംഗികമായി പീഡിപ്പിച്ച സംഭവത്തില്‍ ചെങ്ങളായി സ്വദേശി അറസ്റ്റില്‍. ഉളിയത്താംപറമ്പിലെ ഷാഹിദാ മന്‍സിലില്‍ അബ്ദുള്‍നാസറാണ്(33) അറസ്റ്റിലായത്. ഇന്നലെ വൈകുന്നേരം അഞ്ചരയോടെയായിരുന്നു സംഭവം.
വിദ്യാര്‍ഥി സ്‌കൂള്‍ വിട്ട് വീട്ടിലേക്ക് പോകുമ്പോഴായിരുന്നു സംഭവം. കുട്ടി ബഹളം വെച്ചതോടെയാണ് സംഭവം മറ്റുള്ള യാത്രക്കാര്‍ അറിഞ്ഞത്. നാട്ടുകാര്‍ അറിയിച്ചതുപ്രകാരം പരിയാരം മെഡിക്കല്‍ കോളജ് പോലീസെത്തിയാണ് പ്രതിയെ കസ്റ്റഡിയിലെടുത്തത്. വിദ്യാര്‍ഥിയുടെ പരാതിയനുസരിച്ച് പോലീസ് കേസെടുത്തു. പ്രതിയെ ഇന്ന് കോടതിയില്‍ ഹാജരാക്കും.
