കുന്നംകുളം: ജോലി വാഗ്ദാനം ചെയ്ത് യുവതിയെ കൂട്ടിക്കൊണ്ടുവന്ന് കുന്നംകുളത്ത് വച്ച് പീഡിപ്പിച്ച സംഭവത്തിൽ ഒരാളെ പോലീസ് അറസ്റ്റ് ചെയ്തു . ഷൊർണൂർ അരങ്ങത്ത് പറന്പിൽ അക്ബർ (50) ആണ് അറസ്റ്റിലായത്. രണ്ടുമാസം മുന്പാണ് കേസിനാസ്പദമായ സംഭവം.
ഷൊർണൂരിൽവച്ച് പരിചയത്തിലായി യുവതിയെ ജോലി വാഗ്ദാനം ചെയ്ത് കുന്നംകുളത്ത് കൊണ്ടുവന്ന് പീഡിപ്പിക്കുകയായിരുന്നു. ചതി മനസിലാക്കിയ യുവതി പിന്നീട് കുന്നംകുളം സിഐക്ക് പരാതി നൽകുകയായിരുന്നു. ഇതിനിടെ അക്ബർ മുങ്ങുകയും ചെയ്തു.
തുടർന്നുള്ള അന്വേഷണത്തിലാണ് ഇയാളെ അറസ്റ്റു ചെയ്തത്.. കുന്നംകുളം സിഐ കെ. ജി. സുരേഷ്, എഎസ്ഐ ഗോപിനാഥ് , ബാബുരാജ്, ടാജി എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റു ചെയ്തത് .
