കുമരകം: പ്രായപൂർത്തിയാകാത്ത പെണ്‍കുട്ടികളെ പീഡിപ്പിക്കാൻ ശ്രമിച്ച വിവിധ കേസുകളിൽ പ്രതികൾ അറസ്റ്റിൽ.
കൗമാരക്കാരിയായ പെണ്‍കുട്ടിയെ പ്രണയം നടിച്ചു പീഡിപ്പിക്കാൻ ശ്രമിച്ച കേസിൽ മലപ്പുറം വടക്കത്ത് വളപ്പിൽ അബ്ദുൾ നിസാർ (18) നെയാണ് വാകത്താനം പോലീസ് അറസ്റ്റ് ചെയ്തത്.
ഇൻസ്റ്റാഗ്രാം മുഖേന പെണ്‍കുട്ടിയെ പരിചയപ്പെട്ട പ്രതി കഴിഞ്ഞ ദിവസം രാത്രി പെണ്‍കുട്ടിയുടെ വീട്ടിലെത്തുകയും കുട്ടിയെ കടന്നു പിടിക്കാൻ ശ്രമിക്കുകയുമായിരുന്നു.
വാകത്താനം എസ്ഐ പ്രസാദിന്‍റെ നേതൃത്വത്തിലുള്ള പോലീസ് സംഘം സ്ഥലത്തെത്തി പ്രതിയെ അറസ്റ്റ് ചെയ്തു.
17 വയസുള്ള പെണ്‍കുട്ടിയെ പ്രേമം നടിച്ച് വിവാഹ വാഗ്ദാനം നൽകി വശീകരിച്ച് പീഡനത്തിനിരയാക്കിയെന്ന കേസിൽ ചെങ്ങളം സ്വദേശിയായ യുവാവാണ് അറസ്റ്റിലായത്. ചെങ്ങളം പെരിയ കൊല്ലംപറന്പിൽ അഖിൽ സുരേഷ് (പക്കി 24) നെയാണ് അറസ്റ്റ് ചെയ്തത്.
ഇപ്പോൾ യുവാവും കടുംബവും അയ്യമ്മാന്ത്ര ഭാഗത്ത് വാടകക്ക് താമസിച്ചു വരികയാണ്. ജില്ലാ പോലീസ് ചീഫ് കെ. കാർത്തിക്കിന്‍റെ നിർദ്ദേശാനുസരണം ഡിവൈഎസ്പി ജെ. സന്തോഷ് കുമാറിന്‍റെ നേതൃത്വത്തിൽ കുമരകം സബ് ഇൻസ്പെക്ടർ എസ്. സുരേഷ്, എഎസ്ഐ ജോർജ് വി. ജോണ്, സീനിയർ സിവിൽ പോലീസ് ഓഫീസർ രാധാകൃഷണൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
